Þetta er ekki gert í Photoshop!!! 

Við Benni fórum á Superman Returns í dag og ég komst að því að ég er bálskotin í honum ennþá, þótt að það sé kominn nýr leikari.

Nei, ég er miklu skotnari í þessum nýja.

(Hér á að vera mynd af Superman)

Það var ekki alveg planað að gærkveldið endaði í faðmlögum við klósettskálina. Ekki heldur að ég kæmist ekki með HM á vuggestue af því að það rignir og engin regnföt til á heimilinu. En þetta verður samt frábær dagur því það er bara svo gaman að vera til...víííí

(hér átti að vera mynd af fiðrildi)

Ég er eiginlega hálffeimin við þessa hamingju en ég held fast í hana því annars getur hún bara horfið.

ókei...nú er það alvara lífsins sem er tekin við af kærulausu sumarfríi. Allt í gangi bara, brjálað að gera. Ég skrifaði til dæmis TO DO lista í morgun....alveg ógeðslega langan en komst varla yfir helminginn af honum svo ég er eitthvað áfram bissí.

Góðar fréttir í gær...það er kominn íslenskur strákur í bekkinn hans Benna, this might be the beginning of a beautiful friendship.

Svo er bara allt annað gott. Ég er virkilega hamingjusöm þessa daganna. Ég veit ekki nákvæmlega af hverju en þetta bara gerist einhvernvegin innanfrá. Ég ætla ekkert að velta því fyrir mér...bara að njóta í botn. Mér finnst eins og hamingjan geti orðið meiri og meiri með hverjum deginum. Það er frábær tilfinning. Fiðrildi í maganum.

Á morgun legg ég svo af stað í fjallgöngu...í víðasta skilningi þess orðs. Ég veit ekki hvað hún er löng en það skiptir ekki máli því ég veit að toppurinn er efstur og að ég kemst þangað á endanum ef ég gefst ekki upp.

Kominn tími á smá blogg

Við komum heim úr skóginum á föstudaginn. Ég get ekki sagt að ég sakni hans mikið. Þetta var ágætis bústaður nema rúmin hefðu mátt vera aðeins þægilegri. Annars var hann voða sætur þó hann hafi ekki verið innréttaður beint eftir mínum smekk. Aðeins of mikið af teppum á gólfum og furðuleg blanda af asískum munum og ömmudóti fyllti hvern krók og kima bústaðsins.

Við vorum auðvitað ekkert alltaf að hanga inní bústað, heldur keyrðum hingað og þangað. Meðal annars í BonBonland, Marielyst og Knuthenborg Safaripark. Svo þrömmuðum við niður fjall til að sjá Møns Klint og upp aftur...endalaust margar tröppur. Það var samt ekki hægt að voga sér að kvarta, því minnsti fjölskyldumeðlimurinn labbaði alla leið upp (ca. 500 metra) án þess að blása úr nös! Ótrúlegt alveg! Ég er bara alveg að kafna úr stolti.

En best var að koma heim í litlu fínu íbúðina okkar, laus við leðurblökur, moskító, mý, geitunga, köngulær (næstum því) og kakkalakka (vonandi). Í ljóta kollegíið sem er svo fallegt að innan.

Kannski að ég skelli bara inn myndum við tækifæri. Annars er mamma nýkomin í heimsókn og þar með lengdist eiginlega sumarfríið hjá mér um viku. Smári er byrjaður í skólanum og strákarnir byrja á sínum stofnunum á mánudaginn. Þannig að æji aumingja ég er að fara með strákunum og mömmu á ströndina á morgun, þ.e. ef það rignir ekki ennþá. Ok, nenni ekki að skrifa meira í bili...

blessssss

dáldið fyndið...ég var að leika mér að því að fletta upp í íslensku orðabókinni og fletti meðal annars upp orðinu ævintýr. Merking númer þrjú er svona:

-sjaldgæft

hægðir til baks og kviðar

gera öll sín ævintýri gera öll sín stykki

Já og sei sei já...

Nú er undirbúningsdagur fyrir sumarbústaðaferð, gaman gaman. Ég hlakka til að hvíla mig á kollegíinu, Kaupmannahöfn, sjónvarpinu og tölvunni. Þetta verður æði, sama hvernig viðrar. Svo er bara harkan sex þegar við mætum aftur í bæinn. Smári byrjar í skólanum og mamma kemur í vikuheimsókn. Shit, þetta er allt að skella á og ég ekki nálægt því búin að finna fyrirtæki til að skrifa fyrir. Jæja, set þær áhyggjur á hilluna þangað til ég kem heim. Best að njóta á meðan hægt er.

Í dag komst ég í samband við Ameríkanann í sjáfri mér. Ég fékk mér samloku með hnetusmjöri og sultu...tvær.

mmmm...

sólbað og saumó, verkefni dagsins

og þvo og vaska upp og allt það)

dísus...af hverju er svona heitt inni hjá mér?

Já og gleymdi næstum...Ragga Dís er mætt á svæðið. Ég fagna, og af því að hún er litla systir Siggu Lísu er hún að sjálfsögðu beint fyrir neðan hana.

Íííhhhaaaa....Við erum að fara hingað næsta laugardag og ætlum að vera í viku. Loksins tókst okkur að finna bústað og það á virkilega góðu verði.

Við, hófum daginn snemma og hjóluðum í Remiseparken í frábæru veðri og skemmtum okkur vel og dýrunum. Helgi Magnús er alltaf að verða færari í dýrahljóðum en þorir ekki alveg að gefa geitunum spagettí. Mikið er gaman að fara með honum í parkinn, hann nýtur sín svo vel hlaupandi um allt í víðáttubrjálæði.

Þegar ég sat og spjallaði við Smára á bekk í parkinum, ákvað ég að láta ekki einhverja fitukomplexa eyðileggja fyrir mér sumarið. Það hefur nefninlega oft gerst áður og er alveg fáránlegt í raun og veru. Það er nefninlega enginn að spá í þessarri aukafitu minni nema ég. Þetta er allt í hausnum á mér. Meira að segja þegar ég sé gamlar myndir af mér þar sem ég er ekkert feit man ég eftir að hafa haft þessa komplexa. Ég ætla bara að flaxa mínum appelsínuhúðuðu og æðahnútaskreyttum leggjum eins og ekkert sé...amk þegar ég er innan um ókunnuga...hahaha, ókei komplexinn ekki alveg farinn. En þó eitthvað í áttina.

Svo fór ég að pæla...ég held að hvert einasta sumar hafi ég verið í voðalegum vandræðum með sjálfa mig af því að ég var ekki eins grönn og ég var búin að plana einhverntíma um veturinn. Sama sagan endalaust að endurtaka sig...alveg fáránlegt líka.Heilbrigður lífstíll, það er málið. Að kunna sér hóf er líka málið. En ætli stærsta málið sé ekki hugarfarsbreyting. Þar kemur kannski skýringin á því hversvegna þetta er svona erfitt. Gott dæmi; þegar heim var komið úr parkinum raðaði ég í mig núðlusúpu, fór svo í barnaafmæli seinni partinn og gúffaði þar í mig pulsum, bjór og marengstertu.

Efnileg Regína, EFNILEG! 

Jæja nú erum við hjúin á fullu að leita að sumarhúsi/hytte fyrir viðráðanlegan pening á dýrasta tímabilinu og með ógeðslega stuttum fyrirvara. Það er ekki að ganga mjög hratt en mest vegna þess að við vorum svo lengi að ákveða hvað við vildum og þurftum að spekúlera svolítið í péningamálum. En mikið skelfingar ósköp er mikið af sumarhúsum og tjaldsvæðum í Danmörku...þetta er gjörsamlega endalaust og út um allar sveitir og eyjar. En stefnan er semsé að bruna eitthvað burt frá Kaupmannahöfn, skiptir ekki öllu hvert, bara að eitthvað skemmtilegt sé hægt að gera á svæðinu.

Æ ég er alveg að gefast upp á þessum aukakílóum. Ég er að spá í að fara á Herbalife. Ég veit það ekki, er það kannski algjört rugl? Bara ein af þessum töfralausnum sem er síðan bara engin lausn? Ég nenni ekki að spá í mat og uppskriftir og allt þetta. Ég held að mér myndi bara henta ágætlega að drekka einhvern drykk og kílóin fjúka burt. En hvað svo þegar óskaþyngdinni er náð? Fer ekki bara allt í sama horfið? Er ég þá orðin háð Herbalife það sem eftir er æfinnar? Ég veit að það er spurning um lífsstíl að halda sér í kjörþyngd en það hefur bara ekki gengið hjá mér hingað til. OHH ég er að fríka út á þessu!!! 

Hæ, ég heiti Helgi Magnús og ég EEELSKA spagettí! 

úff það er svo heitt að ég er bara farin að óska mér að skipta í einn dag við Ísland í veðri. Ahhh ferskt loft og rigning. Og svo aftur sól og brjálaður hiti...ókei...reddessu

Maður er náttla ekki alveg að fúnkera í þessari mollu, gleymska og kæruleysi í gangi...íslenskt reggí í Kristjaníu í gær og hver veit hvað kvöldið í kvöld ber í skauti sér. Nú er hægt að gera það sem manni sýnist þegar engir gestir eru lengur...jibbíkóla. Nei nei segi svona, það er alltaf gaman að fá gesti, en líka ágætt þegar þeir eru farnir.

jess...ég náði prófinu! Þvílíkur léttir að það sé yfirstaðið. Nú er það bara taka tvö í lokaritgerð og svo verð ég með The AP Degree in Marketing Management í desember...snilld. Vonandi fæ ég einhverja góða vinnu út á það.

Einn gestur farinn og tveir koma á morgun. HM í fótbolta, sumarfrí hjá strákunum og okkur öllum og tralala, allt er skemmtilegt. Væri samt til í að eiga aðeins meiri pening, en það er líka alveg hægt að gera helling fyrir lítinn pening hér í DK.

well, well...chiao í bili.

Ekki er öll vitleysan eins og þessi

hey!
- er einhver ykkar með eldfast mót heima hjá ykkur sem þið kannist ekki við?

Við söknum nefninlega okkar úr páskaveislunni miklu.

Það er nú meira hvað sólin, góður félagsskapur og yndisleg börnin geta gert mig þreytta...en líka svo sæla. Þetta geri ég í sumar á launum frá danska ríkinu með góðri samvisku. Ekki slæmt sumarjobb það!

Jæja sit hér í algjörri þögn...strákarnir sofandi, Smári ekki heima og ekkert sjónvarp né útvarp í gangi...næs. Var að koma úr saumaklúbb þar sem umræðurnar snérust að mestu leyti um sjúkdóma og þess háttar. Ég var orðin hrædd um að HM væri bara kominn með heilahimnubólgu af öllu þessu sjúkdómatali. En ég held samt að ég geti verið róleg með það. Hann er reyndar búinn að vera veikur síðan á laugardaginn með voðalegar hitasveiflur, stundum hitalaus og rýkur svo upp í 39. Mér finnst þetta ferlega skrýtið og er að pæla í að hringja í lækninn á morgun, enda er þá kominn sjötti veikindadagurinn. Þetta má alveg fara að lagast núna.

Það er ekki beint stuð að hanga svona inni í þessu Mallorca veðri, þó það hafi eiginlega verið of heitt að vera allan daginn úti. Það var bara ágætt að hafa svolítið skýjað í dag. Við fjölskyldan verðum að vera í fínu formi á laugardaginn í 17.júní stemmningu...vá skrýtið, síðasti 17.júní í Köben....ohhh nú er allt síðasta eitthvað. Það eru ekki nema 6 mánuðir í að við flytjum heim og mér finnst ég ekki alveg tilbúin í það. Mér finnst ég ekki búin að sjá og gera allt sem mig langar og sé ekki alveg fram á að geta keypt allt sem mig langar að taka með mér í gáminn...en sjáum til sjáum til. Þetta hlýtur að reddast eins og alltaf.. ehhaggibara?

Það er alltaf gott að fá góðar fréttir en stundum vekja þær bara fleiri spurningar. Ég var að fá að vita að ekkert sást á röntgenmyndunum sem voru teknar af lungunum. Auðvitað er það mikill léttir en ég þarf samt að fá að vita hvað þetta er sem er að plaga mig. Thank god að ég er hætt að reykja...vá hvað það er allt annað líf. Skil bara ekkert í mér að hafa reykt í 20 ár, fíflalegt alveg. Vonandi á ég ennþá séns.

En Jesús minn hvað það var eitthvað súrrealistiskt að sjá öskubakka til sölu í móttökunni á röntgenmyndatökustofunni!

Jæja, stóra prófið búið og nú er bara að krossleggja fingur...plís að ég hafi náð. Er annars með ágæta tilfinningu fyrir þessu, mér tókst a.m.k. að svara svona 90% af þessu og kannski 10% af því var bull þannig að eru líkurnar ekki bara nokkuð góðar...hmmm? Ohh hvað mér finnst alltaf erfitt að bíða eftir einkunnum. Best að hafa bara nóg að gera í hinu langþráða fríi.....jeeeeeeeesssssssss

Gleðilegt sumar og HM!

Hjálp!

Vill einhver vera svo elskulegur að lána mér lapptoppinn sinn í viku?

Kjaftstopp

Þannig er ástandinu eiginlega best lýst. Ég kem mér ekki í að læra fyrir próf frekar en fyrri daginn. Um þessar mundir er ég alveg til í að láta þetta gott heita með skólagöngu ef ég einhverntíman klára þetta andsk...djö...drasl. Ég er bara ekki nógu öguð týpa í þetta held ég...æ ég veit það ekki, svo verður kannski allt annað hljóð í mér eftir ár.

En til hamingju Finnland! Vá hvað þeir redduðu Júróvision. Það verður spennandi að sjá allar hermikrákurnar á næsta ári, vonandi breytist þetta bara í einskonar evrópska músiktilrauna rokkkeppni.....haaalleeelúúújjaaaaaaaaaaaaaaaaaa!

jæja, þá er það lokaspretturinn...mér finnst ég alveg þurfa viku í viðbót til að bæta ritgerðina en það er víst ekki í boði. Ég þekki varla börnin mín lengur og sakna þeirra og Smára alveg ógeðslega mikið. Ég held ég hafi aldrei hlakkað svona mikið til að komast í frí eins og núna. Vá hvað ég á eftir að njóta þess, líka eins gott, síðasta sumarið okkar í Danmörku...

Hef ekki meira að segja í bili nema ritgerð próf ritgerð próf...ekkert skemmtileg

jæja, nú er ég komin með nóg, kominn tími á quality time with the family

vá hvad er erfitt ad halda einbeitingunni í thessu vedri

Hef aldrei skilid...

-manneskjan sem ákvad ad strákahjól skyldu vera med støng, hlýtur ad hafa ruglast eitthvad í ríminu...thetta bara meikar engan sens

hausverkur, bakverkur, rassverkur = ritgerdarsmíd

Jæja, skrifin ganga hægt. Ég er búin að rekast á allskonar ófyrirséð vandamál og vesen en það er kannski það sem ég læri mest af. Ég er samt ennþá bjartsýn og held að þetta verði bara ágætis ritgerð þrátt fyrir allt. Það er gott að vera stressuð og undir tímapressu, það bara rekur mig áfram.

Ég er svo upptekin af þessu að ég hef ekki orku í neitt annað, varla að borða, hvað þá að æsa mig yfir sumum hálfvita baunum sem eru að kafna úr leiðinlegheitum og yfirgangi hér á kollegíinu. Ég er hvort eð er að flytja héðan eftir nokkra mánuði og get þá bara haft hlutina þar sem ég vil hafa þá og hegðað mér á þann hátt sem ég vil hegða mér án þess að það verði slideshow um það og hótanir um útburð.....jibbíííí. Þetta er bara fyndið fólk og ég get ekki annað en vorkennt því, aumingja fólkinu sem hefur greinilega ekkert betra að gera en að leggja útlenska námsmenn í einelti fyrir það eitt að eiga börn. Æ Æ Æ Buuuuhhuuu...djöfulsins aumingjar!
-nei nei ekkert æst sko, bara í hláturskasti.

Það er langt síðan Ísland hljómaði freistandi en það er bara farið að freista meir og meir þrátt fyrir hrakspár um að allt sé nú á leið til helvítis. Mér finnst ég vera búin að heyra þetta alla tíð og enn tóri ég. Já já það er líka fullt af leiðinlegum hlutum í gangi á Íslandi, eins og tildæmis umferðarmenningin, verðlagið, veðurfarið, steingeldir stjórnmálamenn, jólavitfirringin og ég veit ekki hvað og hvað. En fjandinn hafi það, er einhver staður á jörðinni fullkominn? Er þetta ekki bara spurning um hugarfar?

shit, nú eru bara þrjár vikur þangað til ég á að skila ritgerðinni. Nú hrekkur allt almennilega í gang. Það er ekki tími til að hugsa, bara skrifa, skrifa og skrifa...og hætta þessari fullkomnunaráráttu, hún er bara fyrir mér. Verð að einbeita mér að því að koma hlutunum bara niður á blað, smíða helvítis draslið og lagfæra svo seinna, ekki vera endalaust að reyna að fullkomna hvert einasta smáatriði og brenna svo úti á tíma.

AAAAAAAArrrrrrrrrhhhhhhhhhh

-Þetta SKAL takast, hvernig svo sem ég fer að því!!!!!!!!!!!!!

dæs

Æ, ég vorkenni mér pínu að þurfa að húka inni að læra á meðan sólin skín úti.

jææææja já....gaman að þvíííí

Nokkrir punktar

• ég er búin að fá mér barnastól á hjólið
• Benni kemur heim eftir viku
• Páskarnir eru eftir viku
• ég er sykurfíkill á háu stigi
• ég er nikótínfíkill á háu stigi
• ég er koffeinfíkill á háu stigi
• ég er búin að kaupa mér hlaupaskó
• ég er ekki dugleg að skrifa verkefnið mitt
• Smári fer í skólann 31.júlí
• Helgi Magnús er frekur og skemmtilegur

ég er farin í sturtu...ble

mont...

Ég er ad fara á tónleika med RADIOHEAD 7.maí...liggaliggalái...liggaliggalái

Barnastóll óskast!

Mig vantar svo mikið barnastól á hjólið (barnahjólastól hehehe). Datt í hug að henda inn auglýsingu hér.

Er ekki einhver sem þarf að losa sig við svoleiðis og vill selja mér?

Ég var ekki alveg tilbúin að borga 650 kall fyrir þennan sem fæst út í Amager Center og það var enginn stóll til í Cash and Carrry.

Það sem er helst í fréttum er annars að Smári snéri sig á ökklanum, eða hvað þetta nú heitir og haltrar um allt með hækjur og er stokkbólginn. Þannig að nú er ég nánast einstæð móðir næstu dagana og kannski vikurnar. Það er nú alveg til þess að komast yfir undir venjulegum kringumstæðum en þær eru bara ekki venjulegar núna. To do listinn minn er geðveikt langur og svo er ég að rembast við að hafa tíma til að skrifa ritgerðina sem gengur allt of hægt. En jæja, maður kemst yfir þetta eins og allt annað.

Gamalmenni eiga ekki að spila fótbolta og hana nú!

Nú dregur aldeilis til tíðinda

jæja, þá er það ákveðið. Flytjum heim til Íslands næsta vetur, stefnum á að vera komin heim fyrir jól. úff og púff, skrítið, gaman, kvíði, tilhlökkun, spenna, hærigrautur. En hamingjusamasti Benni í heimi.

Af hverju er paradísartréð mitt með hvítar freknur?

jess...

náði markaðsrannsóknarkúrsinum. læt mér það sko að kenningu verða að koma mér aldrei aftur í svona tímaþröng. frekar skila ég lokaverkefninu of snemma en að standa í þessari vitleysu.

maginn minn er eitthvað að mótmæla grænmetis átinu. svekk!

jæja, bjóst ekki alveg við að nýji mánuðurinn myndi taka á móti mér með veikindadrullu og leiðindum því fylgjandi. við skötuhjúin bæði veik um helgina. svoleiðis er gengur eiginlega ekki þegar engin amma og afi eru til afleysinga til að hugsa um börnin. reddast þó allt að lokum, því maður bara verður!

þá er það mánudagurinn skælbrosandi sem byrjar með tannlæknaheimsókn en vonandi ánægjulegum enda því þá fæ ég líka að vita hvað ég fæ fyrir verkefnið sem ég var allt of sein að byrja á. í framhaldi af því ræðst svo hvort ég byrja strax á lokaverkefninu eða lagfæri hitt. alltaf gaman að hafa smá spennu í lífinu...hmmm.

komst svo að því í dag að risið fyrir ofan íbúðina okkar á íslandi er til sölu og nú eru draumórar regínu farnir ærlega af stað!

nýr mánuður. ný árstíð. nýtt verkefni. nýtt mataræði. nýr kafli. nýtt líf?

algjört svindl

vonandi verða aðstæðurnar orðnar betri þegar ég er orðin gömul en þær eru núna fyrir ömmu mína og afa...kíkið á þetta

ég er snillingur...

í að koma mér í tímapressu. er í svoleiðis núna. þarf að skila skýrslu á mánudaginn sem ég er sama sem ekkert byrjuð á en er búin að hafa tvær vikur til að gera. þetta tekst engum nema snillingum eins og mér.

jahérnahér. sumir dagar eru betri en aðrir, sérstaklega þegar maður fær það sem maður vill. það gerðist einmitt í dag. ég fór nebbla að hitta hann Martin vin minn á Nordatlantens Brygge og við náðum samkomulagi um að ég geri semsé lokaverkefnið fyrir Bryggjuna. ég glöð og mikið glöð. vei vei vei!

Slappað af og horft á kassann 

meira af klósettþrifapælingum...

já athyglisvert þetta með klósettþrif gæjanna stelpur...hmm. Ætli það myndi virka ef maður myndi bara hætta að þrífa klósettið. Hvað ætli skítaþröskuldurinn sé hár? Ég hef prófað þessa aðferð með þvottinn og sú aðferð dugði í stuttu máli ekki. Það er líka verst að ég get bara ekki hugsað mér að bíða svo lengi með að þrífa klósettið til að láta á það reyna. En áhugaverð tilraun samt.

jamm og jæja, það gengur á ýmsu, segi nú ekki annað. Mánudagur til mæðu er alveg að bera nafn með rentu í dag. Ég fæ mig bara ekki til að vera dugleg í dag og samviskubitið læðist aftan að mér en kemst samt ekki allt of nálægt mér því ég er á móti samviskubiti. En annars er allt í gangi. Ég er að fara á fund á miðvikudaginn með PR gæjanum á Nordatlantens Brygge og vonandi kemur samkomulag um lokaverkefnið mitt út út þeim fundi. Þetta virðist vera hress gaur svona af myndinni af honum að dæma, vonum það. Vonandi kem ég hlutunum sæmilega út út mér, hef eiginlega ekki talað neina dönsku undanfarið hálft ár nema svona rétt svo "tak skal du have" og "jeg skal bede om...", svona búðarmál bara. Nei nei þetta verður hið besta mál ég hlakka mjög mikið til og krosslegg fingur fyrir sjálfa mig að þetta gangi nú upp. Líka eins gott því ég er ekki með neitt annað í sigtinu en ef allt fer á versta veg gæti ég tekið þátt í verkefnasamkeppni í skólanum og unnið mér inn 25.000 kall...ekki slæmt og veitir sko ekki af peningum í budduna mína.

En well well, nóg komið í bili...later dudes!

Í framhaldi af mjög svo áhugaverðum klósettburstavangaveltum hjá Lilju er ég að pæla...Hversu margar eiga kærasta/mann sem þrífur klósettið?

Ég skal svara fyrst: Ekki ég!

Það er ekki laust við að maður sé orðin smeykur...varla að ég þori í Metróinn.

Allt í lagi, allt í lagi, ég skal þá blogga....

Eftir endalausar áskoranir og vegna gífurlegra vinsælda er ég einfaldlega knúin til að hripa niður nokkrar línur.

Sko, nýjustu tölur:

• samningatækniprófið gekk ekki allt of vel en ég náði þó og er bara fegin að það sé búið og út út mínu lífi forever...semsagt fékk 7.

• fór í market communication próf í dag og er bara alveg að drepast úr monti...fékk í stuttu máli 11! Ef einhvern skyldi nú einhverntíman vanta auglýsingaráðgjafa, þá er ég semsagt manneskja númer eitt.

• prófið sem mér gekk illa í um daginn, gekk eftir, gekk illa. Fékk 5 sem þýðir þó að ég var nálægt því að ná þó að mér hafi ekki tekist að svara 35% af prófinu og handskrifaði. Næ því næst...pottþétt!

• þá er það óráðin ráðgáta hvernig næsta próf fer sem er á þriðjudaginn. Nefninlega spænska.

Svo er það nælið frá Siggu Lísu...wúalla...

4 sjónvarpsþættir sem ég elska að glápa á...
Nip/Tuc
LOST
Desperate Housewifes
Krøniken (og fleiri)

4 myndir sem ég get horft á aftur og aftur...
ég horfi ekki á myndir aftur og aftur en nokkrar eru í uppáhaldi:
Með allt á hreinu
Pulp Fiction
Tacones lecones (ef ég man nafnið rétt)
meira kemur ekki upp í huga mér

4 heimasíður sem ég dinglast inn á daglega...
Bloggrúnturinn
skólinn minn
G-mailinn
mbl eða vísi ekki alveg daglega þó

4 uppáhalds máltíðir...
Kjötsúpa
læri
djúsí nautasteik a la Smári
ítalskur ís, þó það flokkist stragt til tekið ekki sem máltíð get ég alveg borðað heila máltíð af ítölskum ís...svo er mikið, mikið meira í uppáhaldi

4 geisladiskar sem ég get hlustað á aftur og aftur
OK computer
allir Nick Cave diskar
Hrekkjusvínin
Buena Vista Social Club....og margir, margir, margir fleiri

Þá er það komið á hreint!

æ...ég veit ekki. Ég er ekki alveg að nenna þessu bloggi. Ég er að hugsa um að taka mér bara frí frá þessu og detta svo bara inn aftur ef ég verð í stuði. Það væri kannski lag að setja bara upp einhverja myndasíðu, veit ekki, sé til. 

Jæja jæja, prófið gekk vægast sagt illa og í einn dag leið mér eins og hálfvita. Kann ekki neitt, get ekki neitt og veit ekki neitt var ofarlega á baugi hjá mér þann daginn. Svo ákvað ég bara að það gengur auðvitað ekki að hugsa svona og breytti því í gömlu góðu lummuna, ég bæði þori, get og vil. Maður þarf að gera mörg mistök til að ná árangri. Fá fullt af neium til að fá já og svo lengi lifir sem lærir og þetta er nú ekki heimsendir og það gengur bara betur næst og æfingin skapar meistarann. Ókei?!

Ég í hnotskurn...

Inflation, employment, GDP, exchange rate, balance of payments, demand and supply, fiscal policy, monetary policy, interest rate, central bank, government, supply policy, Phillips curve...og ég veit ekki hvað og hvað. Búin að lesa úr mér allt vit. Nei, vonandi veit ég eitthvað um hagfræði eftir yfirlegu síðustu daga. Prófið byrjar á mánudaginn og líka nýji kúrsinn í skólanum og svo er líka að finna fyrirtæki til að skrifa fyrir. Úff og púff...ekkert meira um það að segja.

Árið

Jebbs...nú eru bara sjö og hálfur tími eftir af þessu ári. Við erum að undirbúa kvöldið, Smári að gera forréttinn, humarsúpu og ég að strauja og svoleiðis. Við ætlum að borða hjá nágrönnum, íslenskt lambalæri og ítalskan ís í eftirrétt. Namm. Svo veit enginn hvað fysta nótt ársins 2006 ber í skauti sér. Nýja árið verður gott, ég finn það á mér.

Gleðilegt ár!

Jeminn...það bara kyngir niður snjó hér og það er allt að verða vitlaust...gaman!

læri læri tækifæri...er ekki að gerast!

Jólabræðurnir í ár! 

Jólin

Jæja, þetta heppnaðist alveg ljómandi vel bara. Maturinn var vægast sagt geggjaður og ég held að við höfum bara önd hér eftir á aðfangadag. Smári bara eldaði sína eigin útgáfu og þetta var bara meiriháttar hjá honum. Við borðuðum reyndar mjög seint, eða eitthvað rétt fyrir 10, stefnum á hálftíu næstu jól.

Svo er HM loksins byrjaður að labba. Það bara gerðist á aðfangadag. Hann var nú reyndar farinn að labba á milli okkar og húsgagna og svona, en nú er hann bara óstöðvandi og labbar óstuddur og ókvattur út um allt. Það er alveg magnað að heyra fótatökin á parkettinu þegar hann er berfættur. Jesús minn hvað það er rúsínulegt!

Í gær var svo smá svona jólaboð í "festrúminu" og þangað mættu nokkrir Íslendingar með mat og drykk. Það var bara hið huggulegasta, gaman að hitta einhverja svona þegar maður á enga fjölskyldu hér (reyndar á ég mjög stóra fjölskyldu hér en þekki hana bara ekki neitt).

Nú fer hversdagurinn að koma. Ég er að hugsa um að leyfa honum að koma bara á morgun því þá verð ég að taka upp þráðinn í lærdómnum. Ég er alveg með hnút í maganum því ég er ekki á áætlun ef ég á að ná að komast yfir allt efnið fyrir prófin....úff púff!

En best að njóta dagsins í dag. Hér er yndisleg pönnsulykt og jólastemmning bara.

Hmm...hvaða nammi á ég að gúffa í mig núna.....?

Takk stelpur mínar fyrir falleg orð.
Jæja, nú komu jólin bara. Læddust einhvernvegin aftan að mér. Það er furðulegt með mig og jólaskapið. Ég er alltaf í rífandi jólastuði voðalega snemma, svona í lok nóvemer og byrjun desember. Svo er eins og það bara sé búið, þangað til á Þorláksmessu eða jafnvel bara á aðfangadag. Jólaskapið kom einmitt aftur í dag, eða eiginlega bara svona um sjöleytið í kvöld. Þá vorum við fjölskyldan í verslunarferð í ISO, hinni títtnefndu búð hér handan við hornið. Eyddum auðvitað allt of miklu, enda í einni af dýrustu búðum bæjarins. En þetta er allt saman þess virði. Maður verður að leyfa sér stundum að leyfa sér aðeins meira. Aðalatriðið er samt auðvitað fjölskyldustundirnar. Ég og aðrir meðlimir hennar hlökkum ósjórnlega til að sjá svipin á hvoru öðru þegar við opnum pakkana. Svo verður auðvitað frábær matur. Að þessu sinni önd, ætlum að prófa nýja uppskrift, það verður mjög spennandi að smakka.

En eins og svo oft áður þá tókst mér ekki, sökum aumingjaskaps og almennrar leti að senda nein jólakort, hvað þá að kaupa þau og skrifa á þau. Það er líka bara allt í lagi þannig séð, því ég fékk ekki eitt einasta, þannig að ég þarf ekki að hafa alveg eins mikinn móral yfir því (hehehe).

En það þýðir ekki að ég sé ekki að hugsa til fjölskyldu minnar á Íslandi, í Noregi, í Svíþjóð og á himnum. Ég geri því eins og ég gerði um síðustu jól og sendi hér með rafræna en þó aðallega hugræna jólakveðju til allra í fjölskyldunni minni, allra vina og vinkvenna minna, í hvaða landi sem þeir eru akkrúrat þegar þetta er lesið.

Að öllu bulli slepptu, sem sagt:

Gleðileg jól, allir saman!

Benni minn. 

ég skil...það er semsagt pís of keik að setja inn myndir hér. Jííí, gaman, nú er von á fleiri myndum og ég ætla að drífa í því að setja upp albúm aftur...bara ekki alveg núna, er svo bissí að jólast.
En þetta er semsagt Helgi Magnús á 1. árs afmælisdaginn sinn, 5.október. 

Helgin ofl.

Jæja, kominn tími til að blogga aðeins. Við erum búin að hafa það gott um helgina. Létum loksins verða að því að drullast á Spiseloppen, eða sko ég lét Smára gefa mér það í afmælisgjöf (pantaði borðið meira að segja sjálf). Vá hvað það var spes. Aðkoman alveg hræðileg og klósettið viðbjóður (með smurningu á setunni) en salurinn bara kósý, þjónustan svona þokkaleg en maturinn var bara ÆÐISLEGUR! Það er ekki spurning að við hjónaleysin eigum eftir að fara þangað aftur. Við borguðum 560 kall fyrir hreindýrasteik, grænmetisrétt, 1/2 rauðvín, tvo deserta og kaffi og eitt kókglas. Þetta var sko alveg hverrar krónu virði og vel það. Jæja, eftir matinn fórum við í smá labbitúr um Christianshavn og þræddum nokkrar götur sem við höfum ekki labbað áður og vorum svo bara komin heim svona um hálf ellefu. Helgi Magnús var í fyrstu næturpössuninni á 5.hæðinni og gekk hrikalega vel þangað til hann tók upp á því að vakna klukkan hálf sjö, barnapíunni til ómældrar ánægju. Aftur á móti sváfu foreldrarnir langþráðum samfelldum svefni alla nóttina og vöknuðu ekki fyrr en hálf eitt! Um kveldið kom hún svo og spúsi hennar í spil og mat og var það hið huggulegasta. Nú get ég stært mig af því að hafa spilað popppunktsspilið og unnið líka!
Sunnudagurinn fór svo í smákökubakstur Smára og Regína gerði lítið annað en að sofa og drekka kaffi og safna samviskubiti yfir því að vera ekki að læra. Jú hvaða vitleysa, ég þvoði auðvitað helling af þvotti og þreif svefnherbergið. Það var heldur betur bætt fyrir samviskubitið í lærið í dag því ég setti persónulegt met í hagfræðilestri og þau undur og stórmerki hafa auk þess gerst að mér er farin að finnast hún bara virkilega skemmtileg. Ekki nóg með þetta, heldur afrekaði ég líka að fara niðrí skóla og hitta þar "coachinn" minn og ræða við hana hugmyndir um lokaritgerð. Já ég get bara verið ánægð með afrakstur dagsins og síðustu daga og stefni bara á að halda því þannig.

Maður verður alltaf að vera eins og allir hinir...skrifaðu nafnið þitt í komments og...


1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð minnir mig á þig.
4. Ég segi þér fyrstu ljósu minninguna mína af þér.
5. Ég segi þér á hvaða dýr þú minnir mig á.
6. Ég spyr þig að einhverju sem ég hef velt lengi fyrir mér um þig.

það væri algjör bónus ef þeir sem kommenta venjulega ekki gerðu það núna, er annars nokkur að lesa þetta drasl?

Jæja loksins dreif ég í þessu:

Hej.
Jeg er en islænding som ser tit jeres vejrprogram med stor fornøjelse, foruden en ting som jeg simpelt hen ikke kan tåle at se på længere. Jeres kort af Island er helt forkert! Jeg undrer mig over hvorfra i har al den is der ligger over hele landet på TV skærmen hver eneste aften. Jeg foreslår at jeres dygtige medarbejdere kigger på sagen og retter denne forfærdelige fejl.
På forhånd tak,
Regína Hjaltadóttir.

-tölvupóstur sendur til TV2. Skyldu þeir gera eitthvað í þessu?

Vá hvað síðustu dagar hafa verið ömurlegir. Ég er búin að vera lasin og er bara rétt núna að jafna mig. Ekki búin að fara í eitt einasta próf en tek sjúkrapróf í janúar. Í dag leiddist mér svo mikið að mér fannst ég vera Palli þegar hann var einn í heiminum. Ég fór samt út með HM og leyfði honum að róla aðeins og fór svo út í búð en þó að fullt af fólki væri á vegi okkar fannst mér ég samt vera ein í heiminum. Undarleg tilfinning sem ég fæ oft. Er ég biluð? Furðulegt hvað humørinn bara sveiflast upp og niður stundum óforvarendis. Ég er alveg búin að vera voða glöð og ánægð með lífið í þó nokkurn tíma og svo bara er eins og að jörðin gleypi mig stundum og sogi mig niður í eitthvað hyldýpi sem erfitt er að komast upp úr. Þar er ég einmitt núna. Ég sé nú samt glitta í ljós...kannski jólaljós bara. Best að drífa sig í átt að því...

jamm...

Æ, hvað það er orðið jóló og kósý hjá okkur. Við erum búin að vera voða duglega undanfarna daga að gera fínt hjá okkur. Smári fór bara að eigin frumkvæði og náði í bor og boraði eins og óður maður og áður en ég vissi af voru komnar langþráðar hillur inn til Benna og nýtt, brilljant skrifborð í stofuna og fleira smálegt. Þetta er að verða snilldaríbúð bara, þó ég segi sjálf frá. Ekki seinna vænna en að fara að koma sér fyrir eftir 3ja og hálfs árs búsetu í DK.

En að öðru alls óskyldu máli...Hvað er með þessa sviðshönnun í nýja Kastljósinu? Það er eins og týnt hafi verið til einhverju afgangsleikmunadrasli úr geymslunni í sjónvarpshúsinu og því öllu hrúgað á settið, kveikt á einhverjum ljóskösturum og wuallahhhh....ÓGEÐSLEGA FLOTT. Mér finnst alveg erfitt að horfa á þáttinn núna. Ekki finnst mér settið mikið skárra á þessu nýja NFS en þó er það aðeins hóflegra. En nafnið...alveg ömó. Hefði átt að vera bara Fréttastofan, finnst mér...svona sjálfsánægjunafn, eins og þetta sé eina Fréttastofan á Íslandi...hehe. Já þeir ættu að ráðfæra sér við mig þessir gæjar ha?

Alveg er merkilegt hvað ég er duglega að gera annað en það sem ég á að vera að gera...læra!!! En hingað og ekki lengra, nú er kominn tími til að standa sig! Eina svindlið í dag verður klipping. Ég er búin að ákveða að láta faxið fjúka og hlakka mikið til.

Viðbjóður dauðans!

Í gær átti ég viðbjóðslegasta morgun ever! Það byrjaði á því að þegar ég var nýkomin á fætur og á leiðinni á tojarann kemur Benni og ælir á gólfið og svo í klósettið. Mmmm...hver dreymir ekki um ælu svona í morgunsárið? Jæja, svo ætla ég að taka Helga Magnús upp úr rúminu sínu en geng alveg á þvílíkan kúkafýluvegg. Sá litli var með æðislegan súran niðurgang upp á bak...nammm!
Jæja, ég geng frá því máli og tel mig nokkuð seif, nema hvað að Benni bendir mér á kakkalakka í eldhúsinu, ekki einn, heldur tvo...vel stóra!

Takk fyrir bless, ég hraða mér út frá þessu ógeðslega heimili og niður á metróstöð (því nýja hjólið mitt er bilað). Nei, ógeðið hætti ekki að elta mig. Þegar ég er á leiðinni niður rúllustigan sé ég gamlan karl með einhvern mesta viðbjóð sem ég hef augum barið um æfina. Út frá kinninni hékk einkver viðbjóðsleg brún kúla, örugglega æxli, svipað stórt og golfkúla, dinglandi, glansandi ógeeeeeeð!!! Oj, ég fæ æluna upp í háls núna þegar ég hugsa um þetta.

Þetta stoppar ekki þarna...ó nei, því þegar ég fór á klósettið í skólanum, tók á móti mér þessi líka æðislegi kúkur í klósettinu með tilheyrandi lykt. Hvað er að fólki? Af hverju sturtar það ekki niður eftir sig? Og hvað er málið með klósettpappírinn alltaf út um allt gólfið?

Jæja, Frissa kæra vinkona er mætt aftur á bloggið.....veiii

...og ég var að klára síðustu hópavinnuna, EVER vonandi, a.m.k. í þessu námi. Það er auðvitað búið að ganga á ýmsu eins og von er....helmingur hópsins gerði ekkert og svona...æðislega gaman!

Svo er bara næsta próf og verkefni og próf og verkefni og próf og próf og próf.

wish me luck!

Brot úr degi

vei vei vei...loksins er ég heil. Ég á mitt eigið nýja hjól sem enginn hefur hjólað á nema ég sjálf. Mér finnst ég þvílíkt hafa öðlast frelsi... er ekki lengur háð þessum déskotans metró eða sveittum og andfúlum strætó....yess!!! Ég kýs sko heldur mína eigin svitafýlu eftir heilsusamlegan og hressandi hjólreiðatúr í skólann eða hvert annars sem ég hef þörf fyrir að fara. Þá er bara eftir að græja HM svo hann verði maður með mönnum, farþegi á hjólhesti en ekki hinum fyrrnefndu metró eða strætó. Regngallinn var keyptur í dag, sömuleiðis stígvél og kuldaskór og bara barnastóllinn og hjálmurinn eftir og þá er það komið.

Já, það eru engin smá afrek í gangi. Maður er bara kominn á fullt í pólítíkina...he he he. Ég var að koma af, að sjálfsögðu allt of löngum, íbúafundi kollegísins þar sem kosið var í nefndir og er semsagt orðin fullgildur meðlimur í umhverfisráðinu...hohoho...GÍFURLEGT alveg. Gaman að því.

Að lokum: SAUMÓ HJÁ MÉR MIÐVIKUDAGSKVÖLD KLUKKAN 9.

sjáumst!

Fríð búið

Úff hvað mér finnst erfitt að haustfríið sé búið. Alvara lífsins tekur við á morgun og ég býst við mánudegi með stóru M-i á morgun. Ég gerði ekki helminginn af því sem ég ætlaði að gera, svona skólalega séð en náði þó að gera slatta hér heima. Við erum búin að vera svolítið að breyta og bæta og þetta er bara allt hið heimilislegasta og allir ánægðari með nýja fyrirkomulagið en það gamla.

Ég fæ alltaf einhvern móral í þessum fríum, finnst að ég ætti að gera eitthvað allt annað en ég er að gera. Fara í ferðalag til dæmis og svona. Það er bara ekki mikið fjárhagslegt svigrúm þegar maður er í námi og málið er bara að sætta sig við það og gera það besta úr því litla sem maður hefur úr að moða. Enda tekst það nú bara með ágætum. Við erum sem betur fer mjög heimakær öll og eigum ekki erfitt með að láta okkur líða vel saman. Ég verð nú samt að viðurkenna að ég er orðin ansi þreytt á kollegíumhverfinu og er farið að dauðlanga til að stinga aðeins af í einhverja krassandi paraferð, engin börn, uppvask eða þvottur.

Það er auðvitað óraunhæft amk í bili. Nú er það skólinn sem tekur allan minn tíma næstu 8 vikurnar eða svo. Ég er að reyna að fyrirbyggja samviskubitið yfir að vanrækja fjölskylduna og heimilið. Vanrækslan verður bætt með jóladúllerí, smákökubakstri, dekri og öðru þvíumlíku í jólafríinu sem mér skilst að byrji um miðjan desember. Vá, hvað það verður geggjaður léttir það frí. Þá verð ég búin með alveg helling af prófum og næ þeim auðvitað öllum með stæl...vona ég.

Jæja, ætli það verði ekki lítið skrifað hér inn næstu vikurnar. Ég hef heldur ekki frá neinu að segja býst ég við og heldur ekki tíma né orku í að vera mikið að blogga.

Bið ykkur bara vel að lifa þangað til næst, en auðvitað heldur maður áfram að kíkja á netið og svona...

Hann Helgi Magnús vill endilega koma á framfæri thøkkum til allra sem komu í afmælisveisluna á sunnudaginn..."takk fyrir frábærar gjafir, nú hef ég loksins skemmtilegt dót til ad leika mér med". Hann er annars búnn ad vera veikur alla vikuna, med vont kvef og hita og er líka ad fá fjóra jaxla sem hefur audvitad sín áhrif. Smári er búinn ad vera fastur heima med hann og ég varla búin ad sjá hann neitt, thví ég er alltaf í skólanum.

Ég sit hér uppí skóla núna og er ad undirbúa mig fyrir munnlegt próf sem verdur i fyrramálid. Djøfull verd ég feginn thegar thad er búid. Madur hefur varla neitt samband vid umheiminn thessa dagana og ætli ad thad verdi ekki bara thannig út thessa ønn. Jæja alltaf gott ad taka tarnir, er thad ekki bara? Sá uppskerir sem sáir...hmmm.

Alveg á kafi

Æ, fyrsti afmælisdagurinn hans Helga Magnúsar leið í gær eins og venjulegur dagur. Ég er alveg á kafi í verkefnavinnu í skólanum og má ekkert vera að því að vera mamma en bæti honum þetta upp á sunnudaginn. Semsagt öllum sem vilja koma í afmæli í Børnerummet klukkan 3 er hér með boðið.

Við skilum þessu hópaverkefni af okkur á mánudaginn og eigum svo að presentera á þriðjudaginn. Hópavinnan er búin að ganga rosalega vel, reyndar hef ég aldrei áður verið í svona góðum hóp. Meira að segja getur vel verið að ég þurfi bara að hætta að segja "ég þoli ekki hópavinnu". Það er líka bara eðalfólk í þessum hóp, þrjár dúndurstelpur, ég, Gyða Íslendingur og Rita frá Litháen.

Nú ætla ég bara að láta verða að því að fara senmma að sofa og taka svo morgundaginn með trompi.

góða nótt mín kæru...

Baktal

Voðalega finnst mér ömurlegt þegar fólk þarf að úthúða öðru fólki, eins og ég rakst á á netinu áðan. Nánar til tekið var verið að tala eða frekar skrifa um Jónínu nokkra Benediktsdóttur á þekktum, íslenskum net-fjölmiðli . Mér finnst enginn eiga skilið svona umtal í fjölmiðlum. Það er ekki hægt að stjórna því sem fólk talar um sín á milli en það er hægt að hafa siðferðislegar reglur um svona lagað í fjölmiðlum. Nú getur vel verið að þær séu til og hugsanlega leyfi ekki að meinyrði, illt umtal eða slúður séu birt á netinu, ég þekki það ekki en vona að í okkar litla og nútímalega landi séu þessar reglur til í einhverri mynd.

Mér finnst eiginlega brjóstumkennanlegt að þetta fólk, sem mér sýnist vera fáir aðilar sem skrifa oft, hafi virkilega ekkert annað betra við tímann að gera en að velta sér upp úr annara manna vandamálum og ætti kannski frekar að nota tímann í að einbeita sér að bæta sitt eigið líf. Væri heimurinn ekki betri og friðsamari ef allir nýttu tíma sinn og orku í það?

Ég viðurkenni að ég hef tekið þátt í baktali, bæði með því að tala og að þeigja. Ef út í það er farið, veit ég ekki hvort er verra. Ég held að það sé best að hlusta á samviskuna sem er ég trúi að sé inni í okkur öllum og baktala ekki aðra. Það framkallar bara neikvæðar hugsanir og best að kæfa það strax í fæðingu. Það er ekki nema sanngjart að gefa þeim sem rætt er um tækifæri til að verja sig. Þannig að maður ætti ekki að segja neitt um aðra sem maður myndi ekki segja við aðra.

Mér varðar bara akkúrat ekkert um einkalíf fólks sem ég í ofanálag þekki ekki neitt og hef ekki einu sinni séð. Þetta Baugsmál virðist vera voðalega ljótt allt saman og greinilega miklar tilfinningar í gangi. En við hin, "almenningur", eigum auðvitað rétt á upplýsingum um viðskiptalegar fréttir af þessu máli. Ég held að fjölmiðlar ættu að hlusta á samviskuna og birta ekki baktal í fjölmiðlum en sinna frekar upplýsingaskyldu sinni sem við eigum kröfu á og birta það sem máli skiptir en ekki eitthvað ómerkilegt slúður. Eða er almenningur kannski ekki samviska fjölmiðlanna lengur, heldur eigendur þeirra?

Ég ætlaði að setja linkinn á þetta baktal um Jónínu í textann en hætti við, því þá finnst mér ég vera að taka þátt í þessu rugli.

Nú er hver ábyrgur fyrir sjálfum sér!

Don´t worry, be happy!

æ hvað þetta er eitthvað grár dagur. Ég fór ekki í skólann því Smári og HM eru veikir og maður er í því að hugsa um liðið og þrífa. Þetta var eiginlega ekki heppilegur tími fyrir veikindi því það er nóg að gera í skólanum og hópavinna í gangi og allt. Svo er ég líka eitthvað slöpp en samt ekki beint veik...óþolandi, getur þetta ekki bara verið annað hvort eða?

Ég reyni bara að brosa og hugsa jákvætt, setti Spilverkið í spilarann og svo Abbey Road og eldaði svo grjónagraut handa okkur. Maður á víst ekki að vera upptekinn af því sem maður getur ekki breytt og ég get víst ekki breytt því að Smári sé veikur og dagurinn hafi þess vegna ekki farið í það sem ég vildi. Þess vegna ætla ég ekki að sóa orku í að svekkja mig á því, frekar bara að nota tímann í að njóta þess að vera heima með yndislegustu strákum í heimi og fegra heimilið.

Svei mér þá, kíkir ekki bara sólin akkúrat núna á milli skýjanna. It´s a sign!

Klukk

Loksins var ég klukkuð, hjúkk að ég var ekki skilin útundan mar. Hmmm, já fimm staðreyndir um mig sem ekki allir vita. Ókei:

1. Ég fæ mér morgunmat áður en ég bursta tennurnar.
2. Ég er óforbetranlegur nautnaseggur.
3. Ég þoli ekki sjálfstæðisflokkin og fæsta sem eru í honum. (sorrý Sigurlaug)
   
4. Þegar ég var lítil ætlaði ég að verða ógeðslega fræg leikkona og söngkona.
   
5. Mig dreymir um að eiga hús í Flatey á Breiðarfirði, eitt stykki á Spáni, eitt í Hafnarfirði, kannski eitt í Reykjavík, veit það ekki og eitt í Danmörku. Þetta er bara svona til að byrja með svo ég þurfi aldrei að búa of lengi á sama staðnum því ég er flökkukind og flækingssál. Ég veit að þetta er óraunhæft já já en ef maður á ekki sína drauma hvað á maður þá?

Ja hérna... ég hélt að ég yrði í algjörum vandræðum með þetta en ég gæti sko alveg haldið áfram. Kannski að ég komi með framhald seinna.

Já já, ég hef bara ekkert að segja...gaman að segja frá því.

Fyrir ekki svo löngu síðan fannst mér sólarhringurinn heldur langur. Núna er hann allt of stuttur.

já já, þið segið það....

geeegt agera

Jeminn, ég er alveg að drepast úr stressi. Það er rosa pressa í gangi í skólanum. Mikið af mikilvægum verkefnum, stór próf í desember og svo þarf ég að finna fyrirtæki til að skrifa ritgerð fyrir, fyrir 1. nóvember. Vá þrisvar sinnum "fyrir" í einni setningu. Svo er maður náttúrulega tveggja barna móðir, stundum held ég reyndar að ég sé þriggja barna móðir....hehemm, best að fara ekki nánar út í það. Stundum finnst mér þetta allt saman óyfirstíganlegt en veit samt innst inni að ef ég vil láta þetta ganga upp þá geri ég það bara. Ég verð orðin róleg um leið og ég er búin að finna fyrirtæki og ákveða hvað ég ætla að skrifa um, þarf semsé að ákveða það líka fyrir 1. nóv. Ég er a.m.k komin á smá skrið, búin að kaupa tvær bækur og aðeins byrjuð að lesa. Og í sambandi við ritgerðina er ég að pæla í íslensku fyrirtæki sem er líka í Danmörku...svona uppá framtíðarvinnu á Íslandi. Sneeeðugt hmm?

hmm..jæja, bara 400 grömm farin þessa vikuna. Enda er ég búin að svindla doldið og verð að viðurkenna að ég er orðin ansi þreytt á því að þurfa að borða svona mikið grænmeti. En það þýðir ekkert að gefast upp....takmarkinu skal náð!

Hasar

Jæja, fórum loksins út saman fjölskyldan í dag. Við skelltum okkur á sirkus Arena. Voða löng sýning en flott. Tókum lest heim og ekki vildi betur til en að allir farþegar voru beðnir að yfirgefa lestina því það var einhver yfirgefin taska í henni. Úúú, hasar. Það skrítna var að þetta snerti mig ekki, ég var ekkert stressuð eða hrædd. Hugsaði bara um hvar væri best að ná strætó heim.

Veikindi

oj...hér eru allir búnir að vera veikir í nokkra daga. Uppköst og niðurgangur og þesskonar skemmtilegheit. Namm. Ég er öll að skríða saman sem betur fer, held að ég treysti mér meira að segja út í búð. Uppvaskinu er nánast slátrað og allt að færast í eðlilegt horf á heimilinu. Kannski að það verði meira að segja elduð íslensk kjötsúpa í kvöld. Nammi namm!

Í fitufréttum er þetta helst...

...það fóru 700 grömm þessa vikuna. Var pínu svekkt að það hafi ekki verið meira en aftur á móti ánægð með að vigtin fer þó niður en ekki upp.

Jæja, þá er fjölskyldan sameinuð á ný. Yndislegt, bara yndislegt. Helgi Magnús ræður sér ekki fyrir kæti, skríkir og hlær. Mikið er gott að vera saman.

Allt að gerast

Loksins, loksins koma strákarnin mínir annað kvöld. Það er eins og þeir hafi verið í burtu í þrjá mánuði en ekki þrjár vikur. Ég get ekki lýst því hvað ég hlakka til að fá þá aftur heim. Það verður heldur betur spennandi að sjá viðbrögðin hjá HM, kannski að hann sé bara búinn að gleyma þeim. Svo er hann farinn að gera fullt af nýjum hlutum síðan þeir fóru svo það verður líka skrítið fyrir þá að sjá hann. Talandi um stubbinn litla, þá er allt smám saman að ganga betur á vuggestuen. Ég hef verið að sækja hann snemma þessa vikuna svo þetta hefur verið hálfgerð aðlögun í annað skipti.

Í næstu viku verður svo allt á fullu, ég þarf að kaupa fullt af námsbókum fyrir ca 2000 kall, takk fyrir túkall! Brjálað að gera í skólanum og ég þarf líka að fara að finna fyrirtæki til að skrifa verkefni fyrir. Það er bara verst að ég hef ekki hugmynd hvernig verkefni mig langar að gera eða fyrir hvern. Dæs, pressan maður. Svo er ég ekki ennþá búin að drullast til að sækja um SU, það er bara tómt vesen og leiðindi að fylla þetta drasl út.

En jæja, best að drífa sig í háttin svo ég geti safnað kröftum fyrir tiltektina á morgun. Ég þarf nefninlega að breyta þessu rónalega heimili í vistarverur sem hæfa fjögurra manna fjölskyldu. Það á örugglega eftir að taka allan daginn. Gaman gaman en ég hlakka svoooo til að fá strákana heim!

Bara skáldleg í dag...

Já, þetta var bara góður dagur, þessi fyrsti í nýja bekknum. Allt annað andrúmsloft í gangi og rúsínan í pylsuendanum var að það er íslensk stelpa í bekknum. Þetta er í fyrsta skipti sem ég hitti Íslending yfir höfuð í skólanum.

Ótrúlegt, kannski að lukkan sé að snúast mér í hag...því syng ég þennan brag...í dag...er þetta ekki frábært lag?

Eins og glöggir lesendur hafa tekið eftir er ég loksins búin að bæta inn hlekkjum, þannig að þetta fer að líkjast almennilegri bloggsíðu bara. En ég vil fá strákablogg, ég skora hér með á alla kærastana til að fara að blogga...þetta er engin stelpuíþrótt sko!

Ho ho!

Regína minnkar.

Var að stíga af vigtinni og bara verð að deila þessu með heiminum. Það eru nefninlega 1,7 kíló farin á einni viku og 7,2 kíló í allt frá því að ég var þyngst.

DDV rúlar!

Niðurstaða

Well, well, well....búin að hugsa og hugsa og komin er niðurstaða, loksins. Ég fór í skólann í dag og fékk að skipta um bekk, þannig að nú er ég komin í námið á ensku, nenni ekki þessum dönum lengur. Það er örugglega miklu betra að vera bara með útlendingum í bekk og tala ensku. Ég er orðin hundleið á því að vera eini útlendingurinn.

Ekki byrjaði fyrsti skóladagurinn vel á mánudaginn var. Mér leið bara eins og í sex ára bekk eða eitthvað. Það átti nefninlega að fara af stað hópaverkefni og kennarinn vildi fá lista yfir hópana og enginn vildi vera með mér í hóp! Ojjj þetta var ömurlegt maður. Þetta endaði með því að kennarinn þurfti að draga út hóp sem mér var þröngvað inní. Voðalegt mál! Ohhhh, hvað er að þessu liði? Ein sagði sko "við erum ekkert að reyna að vera vond, við bara erum svo vön því að vera í okkar hóp og þekkjum hvort annað og vitum hvernig við vinnum saman" dööööhhh, bla bla bla. Vá hvað ég er ógnandi maður!

Sem betur fer er ég farin úr þessum þroskaða bekk og þarf ekki að gera mig að fífli fyrir framan þetta lið. Ég var alveg komin á það að hætta bara í skólanum og fara að vinna og flytja svo bara til Íslands. Gleyma bara skóla forever, ég fékk bara alveg upp í enni af þessu helvíti.

En nei nei, það þýðir ekkert annað en að bretta bara upp ermar og ydda blýjantana og spýta í lófana og rétta úr bakinu og allt það. Hana nú! Djöfull verður þetta erfitt samt, omægod ég er með þokkalegan hnút í maganum yfir þessu. Gulrótin er samt sko 400 þúsund kall í mánaðarlaun, raunhæft er það ekki? Ég hlýt að geta lagt á mig 2 ár í bókalestur og sjálfspíningu fyrir betri laun en það sem ég fengi sem ómenntuð...hmmm?

Það sem gerir þetta líka bærilegra er að ég er búin að finna áhugavert efni fyrir 3.ja árið, nebbla bissness enska með aukafagi eins og tildæmis kommunikation. Best að hugsa samt ekkert allt of langt fram í tímann, það getur ýmislegt breyst í kollinum hennar Regínu sem skiptir um skoðun jafn oft og sokka og er alltaf jafn sannfærð í hvert skipti. Já það er ekki alltaf gaman að vera hún.

En aumingja Benni minn þarf að vera í 2 til 3 ár lengur í Danmörku, hann sem þráir ekkert heitara en að flytja til Íslands. Mér finnst ég ferlega eigingjörn og ósanngjörn mamma að halda honum hér en samt veit ég að þetta borgar sig á endanum. Við verðum bara að finna einhverjar leiðir til að láta honum líða betur hérna og gera honum lífið bærilegra á meðan hann er hér. Hann er ekki alveg sá meðfærilegasti nefninlega. Gelgjan er alveg á fullu og meira að segja fyrsta graftarbólan farin að láta á sér kræla og barnið bara 10 ára! Jesús, ég vona að hann verði ekki með unglingaveikina lengi.

Jæja, það var aldeilis að það frussaðist úr málbelgnum hjá mér í dag...hver nennir annars að lesa svona langt blogg? Ekki nenni ég því oft.

...þangað til næst, góðar stundir.

hmm...hugsi hugsi hugsi

#(/"&%($"#%(($?'>-*/!&%$#"*+

ó mæ god...allt hringsnýst í höfðinu á mér. Ný plön kannski í fæðingu. Að minnsta kosti miklar pælingar fram og til baka. HM lætur öllum illum látum og ég ætla að láta lækni kíkja á hann, líst ekki á þetta hjá honum. Ég er eins og undin tuska á kvöldin og nenni lítið að blogga. Nú hef ég aðeins kíkt í heim einstæðra mæðra.

Þrjúhundruðþúsundfalt HÚRRA fyrir þeim!!!

Litli vælukjói

Litli strákurinn minn er orðin nýr karakter eftir að pabbi hans og stóri bróðir fóru til Íslands. Hann mótmælir öllu og er sífellt vælandi. Ferlega skrítið. Ekki datt mér í hug að þetta hefði svona mikil áhrif á svona lítið barn. Hann vill ekki einu sinni sofna sjálfur á kvöldin eins og hann gerði alltaf, þannig að nú er ég með hann í prógrammi. Ekkert gaman. Vona að þetta fari nú að skána og hann fari að taka gleði sína á ný.

Buin að redd'essu...saumó as planed í kvöld.

Haloscan commenting and trackback have been added to this blog.

Ansans ári!

Debetkortið mitt er útrunnið og ég peningalaus og Smáralaus. Verð líklegast að aflýsa saumó annaðkvöld.

bömmer

Dí...loksins þegar maður er einn í koti og hefur tíma fyrir sjálfan sig þá þarf maður auðvitað að eyða honum í þrif. Nei nei, það er ágætt, mér finnst amk best að þrífa þegar ég er ein, þá er enginn að flækjast fyrir mér á meðan.

Mikið déskoti er Earl Grey annars gott með hunangi!

Bla...

Allt í einu hætti blár að vera uppáhalds liturinn minn, hann sem er búin að vera það alveg síðan ég var lítil. Kannski að maður sé að þroskast eitthvað haaa?

Ákvað semsé að breyta bloggútlitinu í kjölfarið ( tek það fram að brúnn er ekki uppáhalds liturinn minn sko) ...set fítusana inn þegar ég er í stuði. Nú ætla ég að hlamma mér í sófann og leita að einhverju þolanlegu drasli í kassanum til að sóa tímanum svona rétt fyrir svefninn.

Á morgun er svo planið að sækja um SU...gangi mér vel!

Grasekkja

Það er skrýtin stemmning hjá mér þegar þetta er skrifað. Ég sakna strákana minna alveg svakalega mikið og finnst voða tómlegt án þeirra. Ég verð bara að passa mig á því að hafa nóg að gera þennan tíma sem þeir eru í burtu. Það verður svo sem ekki vandamál því af nógu er að taka. Skólinn hjá mér byrjar eftir viku og það er ýmislegt sem ég ætla að klára að gera áður. Mikið verður skrýtið að byrja í skólanum og enginn Smári heima til að tala við um daginn sem leið....snökt snökt...

hmmm...jæja, er ekki alveg að standa mig í þessu bloggi. Einhver ládeyða í gangi í þeim málum.

Allt er gott að frétta, feðgarnir á leið á klakann á morgun og ætla að vera í 3 vikur. Það verður skrítið að vera hér ein með lilla en samt gott að vissu leyti. Ég sé fram á sjónvarpsfrí og grænmetisát svo eitthvað sé nefnt. HM stóð upp í gær, hann bara varð að sjá hvað var ofan í skúffunni í nýja skenknum og var meira að segja kominn langt með að rífa hana úr...hehehe krúttið.

Well, that´s all folks, í bili.