Ég held að þetta sé að lagast, takk fyrir ráðin, ég veit þið meinið vel. Þetta er bara eins og eitthvað eitur í líkamanum sem ég ræð ekkert við. Ég held áfram að berjast og veit að hlutir eins og hreyfing, skynsamlegt mataræði, nógur svefn og jákvæður hugsunarháttur eru meðalið. Það er ekki eins og ég vilji ekki brjótast út úr þessu, alls ekki. Vá hvað ég vildi vera laus við þessa böl en þetta er víst partur af mér og eins gott að læra að lifa með því.

Aumingja ég að vera ég...stundum. Úff ég er svo sveimhuga. Þetta flotta orð heyrði ég um daginn. Mér finnst það eiga ágætlega við mig. Hugur minn sveimar úr einu í annað. Óþolinmæðin er að drepa mig. Skynsemin verður þess vegna oft á undanhaldi. Ég er alveg hryllilega ójarðbundin. Er sveimhuga ekki bara bara andstæðan við jarðbundin? Svo verð ég líka svo full af þráhyggju stundum að ég get bara ekki hugsað skýrt, hvað þá skynsamlega. Þetta er hægara sagt en gert, að vera ég. Ofan á allt þetta bætist svo baráttan við þunglyndið sem ég fæ þó stundum hvíld frá sem betur fer.

En ég er ekkert að rakka mig niður. Ég á líka mínu góðu hliðar og stundum geta gallar verið kostir í sjálfu sér. Það er líka nauðsynlegt að horfast í augu við eigin galla...og kosti.

Ég er sem betur fer að fara úr borginni næstu helgi á ættarmót í Flatey á Breiðafirði. Þar næ ég oftast báðum fótum á jörðina og fæ ómengaða orku náttúrunnar.

Today is the first day of the rest of my life!

Ég ætla að freista gæfunnar með 8-4. Það er ótrúlegur munur að vera búin klukkan 4 í stað 5. Veit einhver um góða vinnu handa mér? Það er sko leyndó ussss!

Það rifjaðist upp fyrir mér í dag að ég er engin 9-5 manneskja. Mér eru ætluð önnur örlög í þessu lífi.

æ þetta er allt saman hundleiðinlegt!

Er nokkuð laus íbúð/herbergi á kollegíinu í viku á bilinu 28.júní til 11.júlí fyrir einn frænda Smára?

Æ já bara voða lítið að segja núna. Dagurinn í dag átti að fara í allskonar aktivítet en það varð ekkert úr því sökum þreytu. Ég ætla ekkert að hafa móral yfir því. Sem betur fer er þetta löng helgi. Það er ýmislegt sem við þurfum að gera við íbúðina áður en við setjum hana á sölu og eins gott að koma sér í gírinn. Mér finnst bara einhvernveginn aldrei tími til neins þegar ég er að vinna 100% vinnu. Hvernig verður þetta þá þegar ég er byrjuð í fjarnáminu líka? Maður var náttúrulega orðinn ansi góðu vanur úti í Danmörku og það er erfitt að aðlagast allt öðruvísi lífi hér á Íslandi. Það er samt ekki bara það...mér hefur alltaf fundist ég þurfa meiri tíma þegar ég er í vinnu. Kannski finn ég þetta bara af því ég hef enn ekki komist í draumastarfið. Ég held að þegar maður er í skemmtilegu, gefandi og vel launuðu starfi sé róðurinn léttari. Ég stefni þangað, veit bara ekki enn hver þessi vinna er en kemst að því með tíð og tíma.

Þá er það færsla dagsins. Hmmm það sem er mér efst í huga núna er megrun, megrun og aftur megrun. Mér var loksins ofboðið þegar mér var litið í spegilinn um daginn og tók þá ákvörðunina á staðnum og hef staðið við hana síðan. Nú er sko engin miskunn og skal tekið duglega á mataræðinu. Þetta bara gengur ekki lengur. Ekki bara út af aukakílóunum, heldur líka bara líðan. Ég er sko alveg komin með nóg af hausverk, sleni og drullu. Ég er búin að skipta um skoðun svona 120 sinnum undanfarið um hvernig ég eigi að fara að þessu, þ.e. hvaða aðferð ég ætti að nota. Herbalife, danski "kúrinn" eða bara kommon sens. Ég held að ég endi bara á kommon sens sem felst aðallega í að drekka fullt af vatni, meira af ávöxtum og grænmeti, sleppa fitu og sykri eins og ég get. Borða líka fisk oftar og reyna að hreyfa mig meira og minnka brauðát. Markmiðið er að láta kíló fjúka á viku og ég er að pæla í að skrá vigtina niður hjá mér vikulega og halda jafnvel matardagbók og skrá niður hitaeiningarnar. Ég hef gert það áður og það svínvirkaði. Hei vá hvað það myndi virka vel ef ég hefði þetta hér á síðunni. En samt ég get ekki hugsað mér að upplýsa hvað ég er þung...

Er einhver þarna í Kaupmannahöfn sem getur og vill leigja út íbúðina sína tveimur fullorðnum Íslendingum og tveimur börnum af sama þjóðerni frá 14. til 20. júní? Þetta er fyrir frænku hans Smára. Góðri umgengni og skilvísri greiðslu heitið.

Þegar þetta er skrifað er ekki enn komið í ljós hverjir ráðherrar Samfylkingarinnar eru. Það var svo sem ekki neitt sem kom á óvart í ráðherraliði Sjálfstæðisflokksins nema kannski að flokkurinn færi með ráðuneyti heilbrigðismála. Ó mæ god segi ég nú bara, ekki bara við því að þeir eru með þetta ráðuneyti heldur að Guðlaugur Þór er orðinn heilbrigðisráðherra. Úr öskunni í eldinn segi ég nú bara. Nú verða heldur betur stigin skref í átt að einkavæðingu í heilbrigðisgeiranum. Æ, mér líst ekkert á þetta. Menntamál og heilbrigðismál eru máttarstólpar velferðar í þjóðfélaginu og þar verður að tryggja að allir eigi greiðan aðgang að þjónustu á tillits til efnahags eða stéttar. Ég vil samt ekki banna einkaframtök, það má bara ekki verða til þess að hægt sé að græða á heilbrigðis- og menntaþjónustu eins og hverju öðru fyrirtæki. Það er sjálfsagt að bjóða upp á möguleika í menntakerfinu eins og Hjallastefnan er gott dæmi um. Kannski er líka skuggahlið á því þegar fólk er farið að geta keypt sér menntun eins og er jafnvel að gerast með einkareknu háskólana á Bifröst og HR.
Ég veit ekki alveg hvernig einkavæðing á að ganga upp í heilbrigðiskerfinu ef einkastofur bjóða upp á aðgerðir sem kosta mikinn pening en lítinn biðtíma og ríkið býður upp á lengri biðtíma og lægri kostnað. Þýðir það þá ekki að efnameira fólk getur keypt sér betri heilsu á kostnað heilsu efnaminna fólks?
Það verður spennandi að sjá hvernig spilað verður úr hlutunum þetta kjörtímabil og bara hversu lengi þessi svokallaða frjálslynda umbótastjórn á eftir að starfa saman. Mér fannst algjörlega lýðræðislega rétt að þessir flokkar mynduðu ríkisstjórn en hef áhyggjur af heilsu Samfylkingarinnar í kjölfarið. Ég hefði helst viljað sjá vinstristjórn en samt ekki því ég hef litla trú á því að Samfó, VG og Framsókn geti starfað saman...því miður því miður.
Gaman að sjá að það virðist vera lýðræði í gangi hjá Samfylkingunni því það hefur tekið mun lengri tíma að ákveða hverjir verða ráðherrar. Þarna er fólk að tala saman.
Eins og ég var komin með mikið ógeð á pólitík eftir kosningabaráttuna hefur fréttaþorsti fréttamanna undanfarna daga kitlað hláturtaugar mínar mjög.
Hlakka til að heyra stjórnarsáttmálann á morgun. Vonandi eru betri tímar og bjartari framundan á Íslandi í velferðar-, umhverfis- og jafnréttismálum. Ég ætla að reyna að vera bjartsýn þó ég verði að viðurkenna að trú mín á stjórnmálamönnum er afar takmörkuð. Látum verkin tala.
Nú er ég búin að skrifa svo mikið og ég nenni varla að tala um ráðherraskipan Samfó sem er komin núna en ég verð að segja að ég er MJÖG ánægð með að tími Jóhönnu sé loksins kominn!

Góðan og margblessaðan daginn!

Í dag er fyrsti dagurinn í bloggátakinu mínu. Ég ætla að prófa að blogga núna á hverjum degi í heila viku og athuga hvernig það gengur. Þetta var semsagt færsla dagsins jeeee...
Kannski kemur meira...úúú spennandi!

oohhh ekki er þetta veður að hjálpa...snjór hér og yfir 20 stiga hiti úti!

Nei, ég skal hætta þessu væli. Rétt hjá "vinkonu", ég ætla að reyna að lifa í núinu og njóta líðandi stundar. Hægara sagt en gert en ég reyni. Hver ertu annars dularfulla kona? Nú er ég að drepast úr forvitni.

Jæja fórum í dag með HM að gefa öndunum í fyrsta skipti. Honum fannst það ekkert smá gaman. Í dag er svona týpískt gluggaveður...ohh ég hata það. Ég vakna og held að það sé æðislegt veður og svo er bara ískalt...arrrgg.

Ég er alveg gjörsamlega með DK á heilanum núna og er að pæla í leiðum til að flytja út aftur alveg á fullu. Við ætlum að reyna að fara til Köben í heimsókn við tvö í lok sumars eða í haust. Mér finnst ég bara frekar eiga heima innanum öll reiðhjólin, fúlu Danina, heitu sumrin, nálægðina við önnur lönd, Arababúðirnar, ströndina, alla parkana, ódýrari matinn og vínið og æ ég veit ekki, bara fullt í viðbót sem erfitt er að orða. Hér líður mér einhvernvegin eins og ég sé bókstaflega úti á þekju og mér þykir slæmt að vera svona háð bíl og þoli ekki hvað er dýrt að lifa hérna. Auðvitað eru líka kostir hér og gallar úti...en ég veit ekki, mér finnst bara kostirnir stærri úti þegar allt kemur til alls.

Nei nei ekki aldeilis af baki dottin. Boggeddí blogg. Sko það er bara svo hrikalega mikið að gerast í hausnum á mér og fullt af því er bara stöff sem er óblogghæft, því miður. Oft langar mig mikið til að láta bara allt flakka og skrifa allt sem mér dettur í hug en það gengur ekki...neibbs!

Aftur á móti það sem ég get sagt er að við Smári erum búin að ákveða að selja íbúðina og leita okkur að stærri íbúð. Við erum búin að fá fasteignasala til að skoða og meta og eftir svona smá lagfæringar og endurbætur hér og þar ættum við (vonandi) að fá ágætis prís fyrir kofann. Það kom bara "smá" babb í bát uppá tímaáætlunina að gera; Smári brenndist á kosninganótt. Greyjið hann ætlaði að poppa handa mér, ég var endalaust búin að væla í honum að poppa. Það vildi ekki betur til en svo að hann gleymdi pottinum með olíunni í á hellunni aðeins of lengi. Samt var það fáránlega stutt, þetta er þvílíkt öflug eldavél. Þannig að hann er handlama karlanginn. Þetta er annars stigs bruni á tveimur fingrum og smá blettur í lófanum líka...og auðvitað hægri höndin, -hvað annað? Já, þannig að það tekur þá aðeins lengri tíma en áætlað var að selja og kaupa.

Svo erum við alveg í söknunarferli með Kaupmannahöfn, erum eiginlega að drepast, -okkur langar svo út aftur. Meira að segja Benna langar! Gefum Íslandi aðeins meiri séns og sjáum svo til, var eiginlega niðurstaðan. Já já allt í gangi bararabbarbara...

Dóra hvar er síðan þín?

Jahérna, það gengur á ýmsu, það er ekki hægt að segja annað. Þegar við skötuhjúin runnum í hlað í lok vinnudags í gær kemur frumburðurinn hlaupandi að bílnum og æpir eitthvað á pabba sinn og þeir rjúka svo inn í hús. Ég hélt að það væri kveiknað í en nei nei ég mæti Smára á leið minni inn þar sem hann heldur á dauðri rottu ojjjjjjj. Dísús kræst, djöfulsins viðbjóður! Kattarófétið hafði sem sagt fært björg í bú og verið að leika sér að bráðinni í dágóðan tíma áður en hún drapst!

Jæja, ekki nóg með það heldur beið okkar bréf frá starfsmannafélagi Reykjavíkurborgar þar sem stóð að okkur verður úthlutað sumarbústað í júlí! Eitthvað sem við áttum alls alls ekki von á að fá. Jibbí, við erum rosalega ánægð með þetta. Við sem vissum ekkert hvernig færi með sumarið, þá er þetta amk á dagskrá.

Semsagt OJJJJJ og VEIII

Hvað á ég eiginlega að segja í dag. Kosningar, Júróvisíon æ nenni ekki að tala um það. Vorið er að koma, vei! Hitastigið hækkar um örfáar gráður og maður tryllist úr gleði. Hef samt aldrei tíma til að njóta þess því ég er lokuð inni á skrifstofu frá 9-5 og svo um helgar er ég svo löt og þreytt að ég nenni engu. Mig dreymir um að mála myndir, skrifa sögur, föndra og vera með börnunum mínum og liggja þess á milli í sólbaði og fá borgað fyrir þetta allt saman svo ég geti keypt mér það sem mig langar í.

Nú lygnir í dalnum. Allt er með kyrrum kjörum og verður líklegast um sinn. Það er kominn tími til að sýna þroska og þrautsegju. Stundum þarf að fórna til að uppskera.

Mikið er nú gott að vera með svona fínan prívat auglýsingamiðil. Það sem ég ætla að auglýsa eftir núna er semsagt tjald. Eiginlega langar mig mest í fellihýsi en held að það sé allt of mikið fyrir pyngjuna í bili. Málið er að við fjölskyldan erum að fara á ættarmót helgina 23. -24. júní og okkur vantar fjögurra manna tjald svo af því geti orðið. Fyrir utan það langar okkur bara að eiga tjald til að geta ferðast eitthvað meira í sumar. Ergo; vill einhver selja mér fjögurra manna tjaldið sitt eða þekkir einhvern eða þekkir einhvern sem þekkir einhvern eða þekkir einhvern sem þekkir einhvern sem þekkir einhvern o.s.frv? Eða bara að fá lánað tjald þessa helgi væri æði.

Á einhver DDV menuplanið og getur sent mér í tölvupósti á regina101@gmail.com? Ég er búin að týna mínu og er að spekúlera í að gera eitthvað í þessum spikmálum. Ég væri voðalega þakklát...

Leiðindadagur í vinnunni. Hvað er verið að rugla mann svona með að hafa frídag á fimmtudegi? Þetta er alveg glatað bara, gerir mann bara latan. Hann var reyndar ósköp notalegur sumardagurinn fyrsti. Við fjölskyldan skelltum okkur í bíltúr og göngutúr. Fyrst röltum við um Bakkahverfið í Breiðholti þar sem við erum búin að rekast á nokkrar íbúðir á góðu verði í fasteignaauglýsingum undanfarið. Skelltum okkur síðan í bæjinn til að kíkja á brunarústirnar og æ hvað þetta er sorglegt allt saman. Fáránlegt að þetta hús sé farið. Ég man eftir Karnabæ og plötubúðinni þegar ég var alltaf að dandalast þarna sem krakki og unglingur. Svo á ég góðar minningar frá fyrsta deitinu okkar Smára þar sem hann dansaði við mig í fyrsta og eina skiptið fyrir 13 árum á Berlín. Já ég vona að borgarstjórinn standi við orð sín og endurreisi þessi hús sem skemmdust. Hvað var annars með þennan búining hjá karlinum? Hahaha fáránlega hallærislegt. Einhver Bush stæling þarna í gangi eða hvað?

Já við erum mikið í fasteignapælingum þessa dagana. Getur einhver sagt mér hversvegna íbúðirnar í Breiðholtinu eru svona ódýrar? Flennistórar íbúðir allt niður í 17 milljónir! Hvað er málið...eru þetta bara gömlu fordómarnir frá því í denn eða býr bara ruslalýður þarna? Þetta er eitthvað dularfullt finnst mér.

Á hverju er hún eiginlega?

Vei vei...alltaf svo gaman að bæta fleiri bloggurum á linklistann góða. Nú eru það mætar mæðgur; Sara frænka mín og Olga mamma hennar sem mér finnst vera frænka mín líka þó hún sé ekki skyld mér svona blóðlega séð.

Annars er allt í góðu bara. Samningaviðræður standa enn yfir og líkur vonandi í þessari viku.

En kommon...er ég sú eina sem er að eipa yfir þessari Húsasmiðjuauglýsingu?

Vá hvað ég er endurnærð eftir ferskan og mátulega hryssingslegan dag úti á róló með fyrrverandi Danmerkurbúum, börnum og fullorðnum. Eitthvað sem mætti endurtaka reglulega bara. Best að skella inn myndum eins og allir hinir á morgun, finn ekki fjandans snúruna.

Nú er ég ein í koti, Smári í póker og ég að horfa á söngvakeppni framhaldsskólanna, það er nú alltaf stuð. Væri samt alveg til í félagsskap, segi það nú ekki. Benni hefur ekkert gaman að þessu. En Jesús minn kemur enn einu sinni þessi Húsasmiðjuauglýsing "Nýr tími" með gospelkórnum. Ég veit það ekki, mér finnst bara ekki passa að trúarkór sé að selja sig í Húsasmiðjuauglýsingu. Það klingja einhverjar siðferðis-, viðvörunarbjöllur hjá mér. Væri annað ef þau væru að styrkja gott málefni....kommon nýr opnunartími í Húsasmiðjunni!!! Mér þætti gaman að vita hvað þau fengu borgað fyrir þetta. Fyrst ég er á siðferðislegu nótunum...mér finnst bara kúl að halda upp á afmælið sitt á Jamaíka og bjóða öllum vinum og vandamönnum með! Það myndi ég sko bara líka gera ef ég ætti nóg af peningum! Og þetta segi ég ekki bara af því að Björgúlfur er frændi minn (þekki hann sko ekki baun, var bara svona að lauma þessu inn híhí).

Best að skella inn einhverjum gömlum DK handahófsmyndum með, það er orðið allt of langt síðan...snuff snuff, sakna svo mikið...sumar og sól og allt

Ókei ókei, í dag er föstudagur, vonandi til fjár og frama.
Kem með frekari fréttir þegar ég hef þær, seinni partinn eða í kvöld.

Í dag er miðvikudagur og það er gott. Þá er mið vika, jafn langt frá síðustu helgi og í næstu helgi. Annars er það svo sem afstætt. Hjá mér er eiginlega komin helgi á fimmtudegi, ég ákvað það bara einn daginn að ég skyldi framvegis líta svo á. Það er vel. Á morgun er einmitt fimmtudagur en hann gæti orðið harla óvenjulegur og örlagaríkur. Það er líka vel.

Skúbbeddíbúbb!

Eiginlega var það lán í óláni að ég fékk drulluna í nótt. Það hlaut að koma að því að líkaminn segði stopp, hingað og ekki lengra! Ég er í alvöru talað búin að vera í stöðugu nammiáti, gosþambi og ruslfæðisáti síðan um jólin. Búin að bæta á mig fullt af kílóum og dálítið af andlegri vanlíðan sem fylgir þessu matarÆði. Nú hlýtur motivationin að fara að segja til sín, já ég held það bara svei mér þá. Nú þegar ég sé súkkulaði sé ég bara kúk. Þó veit ég fyrir víst að ég get ekki lifað án þess, þannig að ég ætla ekkert að reyna að blekkja sjálfa mig og segjast ætla að hætta öllu súkkulaði- eða nammiáti. Spurning að fara bara skynsömu leiðina í þessu. Allt er gott í hófi bara.

Mig langar að fara eitthvað um páskana. Gott að hugsa um það núna korter í páskafrí Regína! Æ, svo á ég ekki krónu hvort eð er. Hvað er nú hræódýrt ferðalag án gistingar? Jú það er hægt að fara í bíltúr á Þingvelli kannski...jæja sjáum til hvað framtaksleysið og ofátið fleytir mér langt. Böööö upplífgandi í dag bara ha?

Ókei hvað er þetta tagged.com eiginlega? -er ekki að fatta.

ohhh ég sakna Danmerkur svo mikið, er að verða geðveik á þessu peningaleysi, langar stundum í aðra vinnu, gengur ekkert að grennast, heldur fitna bara meira. Æ ó ó ó.

Anyways...ég vil endilega bjóða velkomna á blogglistann minn hana Helenu systur mína. Hún er borinn og barnfæddur Hafnfirðingur (eða á maður þá að segja Gaflari?), býr núna í Mosó með börnunum sínum þremur og manni. Kennari og fyrrverandi fimleikadrottning og dóttir "pabba" míns og sameiginleg hálfsystir flestra hálfsystkyna minna. Að öllu bulli slepptu algjör perla og sææætust....

Ég verð eiginlega að koma þessu gamla bloggi hérna frá mér sem ég held að sé orðið tveggja vikna gamalt, bara svona til að losna við það úr sýsteminu. Af einhverjum mjög svo dularfullum ástæðum vill bloggerinn ekki birta þennan texta hér svo ég set hann í comments...Wúalla:

Jæja loksins virkaði þetta drasl! Nú dettur mér bara ekkert sérstakt í hug að skrifa um hahaha!
Kannski seinna í kvöld, who knows?

ok þetta er síðasta tilraun...ef þetta virkar ekki núna er ég sko bara farin eitthvað annað! Heyrirðu það þarna leiðinda blogger?!!

virkar þetta núna?

Aldeilis kominn tími til að trimma herið. Það eru mörg ár síðan ég fór í klippingu á Íslandi þannig að ég hef ekki hugmynd um hvert ég á að fara? Hjálp vel þegin!

Þessi helgi var alveg einstaklega fljót að líða. Ég bara trúi því ekki að ég sé að fara að vinna á morgun. Jæja, vikan er svosem álíka fljót að líða. Tíminn bara flýgur þegar það er mikið að gera. Stundum finnst mér það gott því ég held að mér myndi bara leiðast ef ég væri ekki svona bissí. Stundum finnst mér eins og tíminn líði allt of hratt og ég sé að missa af tækifærinu til að nota hann í eitthvað miklu mikilvægara sem ég reyndar veit ekki alveg hvað er.

Kallinn fór að spila póker og mér leiðist. Ætla að drekkja mínum sorgum í nammi og kók og horfa á eitthvað krapp í sjónvarpinu og bölva því að það sé aldrei neitt í kassanum býst ég við....
Það er alveg voðalegt hvað ég eyði miklum tíma í innantómt og leiðinlegt gláp. Það breytist vonandi næstu tvo vetur amk ef planið mitt gengur upp.

Í framhaldi af grein Egils: (og bloggi Sigurlaugar)

Já mikið er ég sammála. En ég kalla eftir lausnum. Hvernig er hægt að snúa þessu við? Hvernig er hægt að fá fólk til að vinna minna og sinna fjölskyldunni meira? Kannski hækka skatta á yfirvinnuna þannig að það verði óaðlaðandi að vinna svona mikið? Heilaþvottur? Hvernig er hægt að fá fólk til að bera ábyrgð í þessu samfélagi þegar ekki einu sinni stjórnmálamenn gera það? Hvað er það sem getur fengið fólk til að vakna og horfast í augu við vandann og taka ábyrgð og breyta hegðun sinni þannig að það leggi sitt af mörkum? Ég held að við vitum öll af þessum vanda og hálfpartinn bíðum eftir að einhver segi okkur hvað við eigum að gera. Eða er kannski enginn vilji til staðar? Er neysluhyggjan svona mikil að hún blindar okkur þannig að við sjáum ekki eða viljum ekki sjá kaldann raunveruleikann, -einmana börn.

Ég veit það ekki. Persónulega hefur það alltaf verið mottó hjá mér að vinna ekki meira en 100% vinnu og ekki um kvöld og helgar, með nokkrum undantekningum þó. Sumir myndu kalla það leti en mér finnst það meira skynsemi. Mér finnst bara alveg nóg að við fjölskyldan séum öll á sitthvorum staðnum 8 tíma á dag, 5 daga vikunnar.

Það er víst ekki hægt að fá allt. Ég vildi setja Haloscan aftur inn og þá tapaði ég hinum kommentunum æ ooo. Svo var ég að bæta Jonna púka í hópinn og banna honum hér með að hætta! Líka er komin aftur hún Dóra sem átti að vera komin fyrir löngu. Nú svo hef ég tekið upp þá nýbreytni að bjóða upp á hlekki í stafrófsröð. Verði ykkur að góðu!

P.S. svo lýsi ég eftir Hjalta og Lindu:
Hjalti Már og Linda Ósk,
Hjalti Már og Linda Ósk...þið eruð vinsamlegast beðin um að blogga.
(lesist í tilkynningastíl Gufunnar og/eða kallkerfisstíl Hagkaups)

Jæja, þá er þetta árlega átak að hefjast og í þetta skiptið eins og öll hin er þetta ekki bara átak heldur lífstílsbreyting til frambúðar. Hahahah ef það væri rétt þyrfti ég ekki á átaki að halda eller hvad? En að gefast upp er það sama og að tapa og ég ætla sko ekki að tapa í baráttunni við sykurinn, fituna og hreyfingaleysið. Ó nei! Svei! Over my dead body! En best að vera ekki með allt of miklar yfirlýsingar. Ekki bara segja heldur gera! Ég hlakka til...

æ mér leiðist svo mikið. Það gat ekki verið nema ég veiktist eins og allir hinir.

Hvernig á maður aftur að gera likana þannig að þeir birtist í nýjum glugga?

Ahhh...þetta er allt annað líf. Ég var komin með gjörsamlegt ógeð á þessu brúna lúkki. Kúl hvað það er lítið mál núna að gera þetta í bloggernum. Hann er aftur orðinn vinur minn.

Að lokum vil ég hvetja landsmenn nær og fjær til að DRULLAST TIL AÐ GEFA STEFNULJÓS OG HÆTTA AÐ TALA Í SÍMANN Á MEÐAN ÞIÐ KEYRIÐ!!!
Þetta eru svo einfaldir hlutir sem eru svo mikilvægir. Er það virkilega þess virði að hætta limum og lífi til að getað talað í símann undir stýri. Held ekki. Ef síminn hringir á meðan þú ert að keyra, láttu hann þá bara hringja. Gsm símar eru þeirri tækni gæddir að hægt er að sjá hver hringdi og eftir nokkrar mínútur er hægt að hringja í viðkomandi til baka. Ótrúlegt en satt! Og ef helv...síminn er svona gjörsamlega ómissandi akkúrat þegar þú ert að keyra á milli staða þá er til dálítið sem heitir handfrjáls búnaður!
Og þetta með stefnuljósið...what is the fucking problem? Er þetta virkilega svona flókin aðgerð að fólki er fyrirmunað að framkvæma hana. Ég skil þetta bara ekki. Það er ekki einu sinni hægt að kenna leti um því þetta snýst um að hreyfa á sér puttann...andskotinn hafi það. Umferðin gengi svo miklu greiðar ef fólk drullaðist til að gefa stefnuljós.
Já ég er bara hundpirruð á þessum smákóngum í umferðinni hérna á Íslandi. Þeir minna mig reyndar dálítið á danska hjólreiðamenn í mentalitet...Farið frá, ég á veginn og ég ætla að komast áfram!

veiiii...ég er loksins búin að eignast þvottavél og get hætt að fara alltaf í vesturbæinn til mömmu að þvo eina og eina vél!

Jæja, ég ákvað að stelast til að blogga aðeins í vinnunni. En ég hef eiginlega bara ekkert að segja, fannst ég bara þurfa að setja eitthvað á síðuna. Allt er við það sama, vinna, sofa éta eiginlega. Maður er farinn að hlakka til sumarsins en best að hlakka kannski fyrst til páskanna. Já Kaffi París er ekki góður staður til að hittast og ræða málin...frekar hrópa málin og æfa sig í að panta á ensku.

OK...stelpur ég veit! Hvernig líst ykkur á DK-saumaklúbb? Þið vitið, þær sem eru fluttar heim? Mig langar það...hverjar eru með?

Stundum er ég alveg ofsalega einmana...í dag var þannig dagur. Þetta lagast vonandi með hækkandi sól. Mér finnst bara einhvernvegin allir vera í vinnunni, í bílnum sínum eða að sinna fjölskyldunni. Ekki að það sé eitthvað að því...það virðist bara fátt annað komast að. Ég veit ekki alveg hvort ég sé að fíla það. Kannski er ég bara svona djöfulli leiðinleg ;) Þetta er ferlega erfið aðlögun og ég þarf að hafa mig alla við til að detta ekki í svartan pitt. Hann er samt orðin dökkgrár.

jæja, ætli ég geti bloggað núna...smá test

æm bakk

Allt búið...síðasta nóttin yfirstaðin, von er á flutningabílnum eftir ca. tvo tíma þegar þetta er skrifað svo það er ekki seinna vænna en að fara að pakka niður tölvunni. Þetta verður því líklegast síðasta færslan í bili...bleee...

Jæja, ætli það sé ekki kominn tími á smá blogg. Við erum auðvitað á fullu í flutningsundirbúningi, íbúðin tæmd á morgun. Það er alveg fáránlegt að þetta sé síðasti dagurinn hér í íbúðinni okkar og aðeins ein nótt eftir hér. Á morgun förum við svo yfir í K-ið og verðum þar þangað til á fimmtudaginn þegar við fljúgum heim.

Enn ein tilfinningarússíbanareiðin hafin og eflaust koma margar í viðbót á klakanum. Ég á bágt með kveðjustundir, vonandi móðgast enginn við það.

Sko... númer eitt:
Vill einhver kaupa af mér hátt barnarúm úr við sem er ca. 90x200 sm. keypt í Rúmfatalagernum fyrir 4 árum? Selst á 500 kall!

Númer tvö:
Er rugl að kaupa þvottavél og þurrkara í einu og sama tækinu...er betra að hafa sitthvora vélina?

Stelpur það er algjört möst að eiga Touscher sokkabuxur. Ég varð amk alveg sannfærð eftir þessa auglýsingu!

Ég er farin að sakna ótrúlegustu hluta strax. Ég átti mjög tilfinningaþrungna stund í Fötex þegar ég áttaði mig á því að tannkremstúpan sem ég tók úr hillunni átti eftir að vera sú síðasta sem keypt yrði fyrir Helga Magnús í Danmörku. Vá hvað þetta var löng setning!

Við keyptum flugmiðana í gær og við lendum fimmtudaginn 14. des. Ótrúlega stutt í þetta...shit!

Takk, takk svo mikið fyrir kveðjurnar kæru stúlkur nær og fær!
Ég er að fylla út umsóknareyðublöð á vinnumiðlanir og ég er alltaf í vandræðum með að skrifa hver áhugamál mín eru. Ég stunda engar íþróttir, tek ekki þátt í félagsstörfum, á ekkert hobbý...hvað skrifar maður þá? -Þetta týpíska...ferðalög, góðar bækur, elda góðan mat, blebleble hljómar eins og miðaldra kelling...ég verð bara að vera dálítið kreatíf. Uppástungur?

átta var það heillin!

Jæks! Þá er vörnin á morgun og ég er að undirbúa mig. Ég get ekki beðið, ég hlakka bara til! Ég vona bara að það sé ekki vonds viti, ef það er hægt að orða það þannig. Svo getur alveg verið að stressið komi í kvöld eða í fyrramálið. Ég er bara búin að vera með nett kæruleysi í gangi, eins gott að það hafi borgað sig frekar en hitt! Ég er komin með algjört ógeð á að vera í skóla. Ég hlakka svo til að fara að vinna. Svo er týpískt að þegar ég er búin að vera að vinna í einhvern tíma, langi mig aftur í skóla...But anywho, ef allt gengur vel þá verð ég semsagt komin með The AP Degree in Marketing Management á morgun, ætli það heiti ekki diploma í markaðsfræði á íslensku. Vantar ekki akkúrat svoleiðis fólk á vinnumarkaðinn á Íslandi hmmmm...?

Já já já, eru ekki allir hressir bara?
Ég er það en líka alveg að fríka út.
Gaman að segja frá því.
Nú held ég að það sé kominn tími á að biðja um kraftaverk.

Allt á að ganga upp ÓKEI???!!!

Ég er með svolítið samviskubit af því að ég svara aldrei keðjubréfum sem mér eru stundum send. Svona til dæmis vina-, vinkonu-, eða uppskriftabréf sem maður á að senda áfram og svoleiðis...Þannig að þá vitið þið það, það þýðir ekkert að senda mér neitt svoleiðis, ég slít bara keðjunni. Svona var ég líka þegar ég var krakki og þetta hefur ekkert breyst þó að með tækninni sé þetta allt miklu auðveldara.

Hvenær ætlar fólk að fatta að eiturlyfjafíkn spyr ekki að aldri, kyni, kynhneigð, kynþætti eða þjóðfélagsstöðu? Kíkið á þetta

ahh hvað það er gott að vera í smá fríi. -Fara út í búð eins og venjulegt fólk. Rosalega er samt alltaf erfitt að vakna á morgnana. Mér finnst alltaf vera mið nótt þegar ég vakna. Ég þarf að fara að leggja mig á daginn líka ef ég á að geta náð úr mér þessari þreytu. En þá kemst ég ekki yfir allt sem ég þarf að gera. Vandlifað...vandlifað

Mikið er nú gott að vera til í dag. Margra mánaða fargi af herðum mínum er létt. Mér tókst í fyrsta skipti að skila af mér verkefni, -ekki á síðustu stundu. Nú er ég búin að láta "barnið" frá mér og það er dálítið erfiður viðskilnaður. Ekkert er hægt að bæta og breyta, það verður ekki aftur snúið. Líkaminn er greinilega ekki búinn að ná þessu því hann er alveg jafn samanhertur af vöðvabólgu, hausverk og almennum einkennum streitu. Það tekur dálítinn tíma að meðtaka að ég sé búin að skrifa. Líf mitt hefur undanfarið algjörlega gengið út á það, dag og nótt. Hugurinn stanslaust við verkefnið, ætti ég að gera þetta svona eða hinsegin? Ætti ég að sleppa þessu, eða bæta hinu við? Ég gerði a.m.k. það sem ég gat á þessum stutta tíma sem ég gaf mér og ég stend og fell með því, sama hvað ég hefði og hefði ekki átt að gera. Sem betur fer er þó tækifæri á að bæta sig í munnlega prófinu og möguleiki á að hækka sig í einkunn. En ég ætla að gefa mér frí fram á mánudag og byrja þá að undirbúa vörnina. Ég hlakka bara til, það verður svo frábært að ljúka þessu af, sama hvernig fer. Auðvitað er aðalmálið að ná, en ég er svolítið orðin metnaðargjarnari en það og langar alveg að fá meira en 6 fyrir verkefnið. Ég þori bara ekki að gera ráð fyrir neinu. Allt fyrir ofan 7 er bónus.

Jæja, best að setja á sig maskara, sem hefur verið frekar sjaldgæfur viðburður undanfarna daga, og drífa sig í bæjinn í lunch með Smára húsmóður...

Rosalega er þetta búinn að vera dimmur og drungalegur dagur. Það er ekki laust við að jólafílingurinn geri vart við sig. Sérstaklega þegar ég kveikti á kertum....ahhh kósí.

En tilfinningarússíbaninn virðist engan endi ætla að taka. Leigjandinn okkar á Íslandi var að hringja og segja upp leigunni frá og með næstu mánaðarmótum. Ég er bara farin til Íslands við þessar fréttir, við sem erum nýlega búin að ákveða að fresta því að flytja heim þangað til um páska eða næsta sumar. Je dúdda mía hvað þetta ruglar mig. Ég er þannig að mér líður mjög óþægilega þegar allt er í óvissu og ég er ekki með plan amk ár fram í tímann. Dísus kræst, ég má bara ekki við þessu. Ég er á kafi að berjast við að klára ritgerðina og alls ekki að vera að blogga!

Tökum afstöðu, sýnum samstöðu!

Ég ákvað að herma eftir Siggu Lísu og hvet alla til að skrifa undir, það tekur enga stund.

Kæri þú.

Fyrir skömmu gerðist það í Færeyjum að ráðist var á ungan mann fyrir það að hann neitar að fela þá staðreynd að hann er samkynhneigður og hann neitar að yfirgefa Færeyjar og lifa sem kynferðislegur flóttamaður annarsstaðar, langt frá fjöldskyldu og vinum. Árásin var það alvarleg að hann er búinn að vera á sjúkrahúsi síðan það var ráðist á hann.
Staða samkynhneigðra í Færeyjum er skelfileg og það skelfilegasta af öllu er að Löggjafaþing Færeyinga styður ofsóknir gegn samkynhneigðu fólki. Ég skora því á alla að fara inn á meðfylgjandi tengil og setja nafn sitt á danskan lista sem mótmælir þessu ástandi og skora á Löggjafaþingið að breyta ástandinu. Löggjafaþingið kemur saman í byrjun nóvember og fjallar þá um málið. Láttu þessa frétt berast og hvettu annað fólk til a skrifa sig á listann.

www.act-against-homophobia.underskrifter.dk

Ég hef lesið um þetta ástand í Færeyjum í dönskum blöðum hér og get bætt því við að nýlega las ég að það séu harðar deilur á færeyska þinginu um hvort bæta eigi við ákvæði í stjórnarskrána þar sem segir að ekki megi mismuna fólki eftir kynhneigð, líkt og þjóðerni eða kyni. Auk þess er athyglisvert að í Færeyjum notar maður ekki orð sem þýðir samkynhneigður, heldur kynvilltur. Tími til kominn fyrir Færeyinga að viðurkenna og virða samkynhneigð sem eðlilegan og náttúrulegan hluta lífsins.

Elsku allir...

Takk fyrir allar kveðjurnar og hlýju orðin, bæði þið hér á blogginu og allir aðrir sem ég hef talað við hér og heima. Það er á svona stundum að ég átta mig á því hvað ég á marga góða að og það er góð tilfinning. Það hjálpar rosalega.

Ég er alveg sokkin í verkefnavinnu og verð bara hálfpartinn að loka mig af ef ég á að ná að klára þetta á réttum tíma. Fjandinn hafi það, ég bara verð að útskrifast! Nú eru bara tvær vikur í skiladag og eins gott að ekkert klikki í þetta sinn, annars má ég hundur heita.

some things are not meant to be...

Ég hélt ég væri orðin "seif" og myndi ekki missa fóstrið en það gerðist nú samt. Það fór að blæða í gærmorgun og það ekki lítið. Ég fór á slysó á Amagerhospital og var þaðan flutt á Hvidovre þar sem ég var skoðuð og þar var mér sagt að fóstrið hefði dáið aðeins 6-7 vikna. Ég fór svo í smá aðgerð þar sem allt var fjarlægt.

Þetta er nú það sem gerist. Þetta var bara líf sem ekki átti að lifa. Náttúran sér um það. Ég hef það ágætt, er að átta mig á þessu hægt og rólega. Svolítið þreytt og vönkuð eftir svæfinguna en líður annars sæmilega.

Það kemur dagur eftir þennan dag...

Jeminn, ég ætlaði að vera löngu búin að bæta henni Nínu fínu vinkonu á Íslandi á bloggaralistann minn. En hér kemur hún semsé...

kokkurinn og skólinn hans 

skrítin mynd í útskriftinni 

Kokkurinn með bréfið góða og strákana sína tvo 

Helgi Magnús á afmælisdaginn sinn. 

Díses hvað ég er ekki að meika að skrifa þessa blessuðu ritgerð. Ég á svo erfitt með að einbeita mér að þessu því það hrigsnýst allt í hausnum á mér með flutninginn heim. Þetta er allt svo flókið með peninga og óléttu og húsnæði....æ æ æ. En ég veit að þetta reddast einhvern vegin eins og alltaf...en bara HVERNIG ???

Já og b.t.w. allir sem komu í afmælið hans HM...TAKK FYRIR DRENGINN!! Margir pakkar voru ómerktir svo ég veit ekki alveg hvað er frá hverjum, en allavega þetta var allt frábært og drengurinn er þvílíkt búinn að skemmta sér við að leika sér með allt dótið. Það sem toppaði þetta allt saman var prumpupúðinn, ég hef aldrei heyrt hann hlæja svona mikið...geðveikt krúttlegt. Semsagt takk fyrir okkur kæra fólk!

Litli hnoðrinn minn er tveggja ára í dag!
Hann gaf öllum á vuggestue ís og sunginn var afmælissöngur og blásið á kerti....gaman gaman.
Svo verður haldið upp á afmælið líklegast í næstu viku því foreldrarnir eru svo uppteknir um helgina.
Ég trúi því varla að tvö ár séu síðan ég fæddi þennan gullmola og finnst enn erfiðara að trúa því að ég fái einn í viðbót næsta vor.
Er lífið ekki bara dásamlegt?

JESSSSS!!!!!!!!!

Hann elsku elsku Smári minn er loksins orðinn kokkur! Hann var að klára í dag og fær bréfið formlega afhent á morgun. Ég er svo stolt af honum að gleðitárin hrynja niður og ég er með frosið bros. Það er ekki hægt að segja það nógu oft en

TIL HAMINGJU ÁSTIN MÍN!

Váááá hvað ég fékk mikið ógeð á þessari bloggsíðu og er eiginlega ekki búin að jafna mig ennþá. Ég er líka með ógeð á öllu, mér finnst vond lykt af öllu, flestur matur finnst mér viðbjóður og ég tek sérstaklega vel eftir hundaskítnum á götunum þessa daganna. Er vægast sagt í annarlegu ástandi sem á (ef Guð lofar) eftir að vera þannig í um það bil 7 mánuði í viðbót. Haaaa....???? Hvað ég er að bulla? Jú, það er rétt! Inn í mér er líf að vaxa og það tekur sinn toll...en gleðin og hamingjan yfirskyggja auðvitað óþægindin sem fylgir því að vera þessi hýsill vaxandi mannveru.

Verkefnið á næstum því hug min allan. En ég nýt þess líka að vera með fjölskyldunni. Benni er nýbúinn að vera veikur og HM með hita núna og búinn að gubba...litla greyjið. Þannig að hér er allt í rólegheitum og kannski ágætt að það sé einmitt rigning úti í dag, þá erum við amk ekki að missa af sólinni. Benni er að fara í tveggja daga hyttetur með skólanum á morgun, djöfull væri ég til í það.

Ég er ekki mikið að blogga því það er ekki frá miklu að segja eiginlega. Það snýst allt um skólann og heimflutning og bara gráan hversdagsleikann sem er reyndar ekki svo grár nema þá í veðrinu. Ég finn að ég er undir tímapressu og þá vil ég nota tímann eins vel og hægt er svo að við náum nú örugglega að halda planinu.

Jibbí...þá er ég búin að landa samningnum. Lokaverkefnið mitt verður skrifað fyrir Ice Travel sem er lítil íslensk ferðaskrifstofa hér í bæ. Spennandi og gaman að geta loksins hafist handa. Þá fer að sjá fyrir endanum á þessari blessuðu skólagöngu í bili. Og heimferðin nálgast, oh my god það eru ekki nema ca fjórir og hálfur mánuður í þetta. Svo margt sem þarf að gera og pæla...dísus ég er búin að vera í nettu raunveruleikasjokki yfir þessu öllu saman. En það er best að reyna að leggja það allt saman á hilluna á meðan við erum að klára skólana okkar við skötuhjúin. Tek einn dag í einu.

Á einhver ykkar nágranna minna Draumalandið eftir Andra Snæ og vill lána mér? Ég bara verð að lesa þessa bók!

andsk..djöf...helv...mér gengur ekkert að hætta að reykja...argggg!!!

SKAMM SKAMM Regína!

"Fjallgangan" mín gengur alveg robboslega vel bara. Það var stór sigur unninn í dag þegar ég fór út að ganga/skokka, loksins loksins! Ég er búin að vera á leiðinni í svona fjóra mánuði síðan ég keypti mér hlaupaskóna. Svo vantaði mig leggings eða eitthvað til að hlaupa í og íþróttabrjóstahaldara sem ég fann svo loksins á skikkanlegu verði.
Svo var smá dekur í gær þegar ég keypti mér ýmislegt stelpudót í HM...ohh það er bara alveg nauðsynlegt. Ekki nóg með það, heldur er ég í þriðja skiptið að lesa um hann Dalai Lama, bók sem heitir Leiðin til lífshamingu. Það er bara alveg endurnærandi að lesa þessa bók og mig þyrstir alveg í að lesa bækurnar hans. Það er sko alveg víst að þær hjálpa mikið á göngunni.

Þetta er ekki gert í Photoshop!!! 

Við Benni fórum á Superman Returns í dag og ég komst að því að ég er bálskotin í honum ennþá, þótt að það sé kominn nýr leikari.

Nei, ég er miklu skotnari í þessum nýja.

(Hér á að vera mynd af Superman)

Það var ekki alveg planað að gærkveldið endaði í faðmlögum við klósettskálina. Ekki heldur að ég kæmist ekki með HM á vuggestue af því að það rignir og engin regnföt til á heimilinu. En þetta verður samt frábær dagur því það er bara svo gaman að vera til...víííí

(hér átti að vera mynd af fiðrildi)

Ég er eiginlega hálffeimin við þessa hamingju en ég held fast í hana því annars getur hún bara horfið.

ókei...nú er það alvara lífsins sem er tekin við af kærulausu sumarfríi. Allt í gangi bara, brjálað að gera. Ég skrifaði til dæmis TO DO lista í morgun....alveg ógeðslega langan en komst varla yfir helminginn af honum svo ég er eitthvað áfram bissí.

Góðar fréttir í gær...það er kominn íslenskur strákur í bekkinn hans Benna, this might be the beginning of a beautiful friendship.

Svo er bara allt annað gott. Ég er virkilega hamingjusöm þessa daganna. Ég veit ekki nákvæmlega af hverju en þetta bara gerist einhvernvegin innanfrá. Ég ætla ekkert að velta því fyrir mér...bara að njóta í botn. Mér finnst eins og hamingjan geti orðið meiri og meiri með hverjum deginum. Það er frábær tilfinning. Fiðrildi í maganum.

Á morgun legg ég svo af stað í fjallgöngu...í víðasta skilningi þess orðs. Ég veit ekki hvað hún er löng en það skiptir ekki máli því ég veit að toppurinn er efstur og að ég kemst þangað á endanum ef ég gefst ekki upp.

Kominn tími á smá blogg

Við komum heim úr skóginum á föstudaginn. Ég get ekki sagt að ég sakni hans mikið. Þetta var ágætis bústaður nema rúmin hefðu mátt vera aðeins þægilegri. Annars var hann voða sætur þó hann hafi ekki verið innréttaður beint eftir mínum smekk. Aðeins of mikið af teppum á gólfum og furðuleg blanda af asískum munum og ömmudóti fyllti hvern krók og kima bústaðsins.

Við vorum auðvitað ekkert alltaf að hanga inní bústað, heldur keyrðum hingað og þangað. Meðal annars í BonBonland, Marielyst og Knuthenborg Safaripark. Svo þrömmuðum við niður fjall til að sjá Møns Klint og upp aftur...endalaust margar tröppur. Það var samt ekki hægt að voga sér að kvarta, því minnsti fjölskyldumeðlimurinn labbaði alla leið upp (ca. 500 metra) án þess að blása úr nös! Ótrúlegt alveg! Ég er bara alveg að kafna úr stolti.

En best var að koma heim í litlu fínu íbúðina okkar, laus við leðurblökur, moskító, mý, geitunga, köngulær (næstum því) og kakkalakka (vonandi). Í ljóta kollegíið sem er svo fallegt að innan.

Kannski að ég skelli bara inn myndum við tækifæri. Annars er mamma nýkomin í heimsókn og þar með lengdist eiginlega sumarfríið hjá mér um viku. Smári er byrjaður í skólanum og strákarnir byrja á sínum stofnunum á mánudaginn. Þannig að æji aumingja ég er að fara með strákunum og mömmu á ströndina á morgun, þ.e. ef það rignir ekki ennþá. Ok, nenni ekki að skrifa meira í bili...

blessssss

dáldið fyndið...ég var að leika mér að því að fletta upp í íslensku orðabókinni og fletti meðal annars upp orðinu ævintýr. Merking númer þrjú er svona:

-sjaldgæft

hægðir til baks og kviðar

gera öll sín ævintýri gera öll sín stykki

Já og sei sei já...

Nú er undirbúningsdagur fyrir sumarbústaðaferð, gaman gaman. Ég hlakka til að hvíla mig á kollegíinu, Kaupmannahöfn, sjónvarpinu og tölvunni. Þetta verður æði, sama hvernig viðrar. Svo er bara harkan sex þegar við mætum aftur í bæinn. Smári byrjar í skólanum og mamma kemur í vikuheimsókn. Shit, þetta er allt að skella á og ég ekki nálægt því búin að finna fyrirtæki til að skrifa fyrir. Jæja, set þær áhyggjur á hilluna þangað til ég kem heim. Best að njóta á meðan hægt er.

Í dag komst ég í samband við Ameríkanann í sjáfri mér. Ég fékk mér samloku með hnetusmjöri og sultu...tvær.

mmmm...

sólbað og saumó, verkefni dagsins

og þvo og vaska upp og allt það)

dísus...af hverju er svona heitt inni hjá mér?

Já og gleymdi næstum...Ragga Dís er mætt á svæðið. Ég fagna, og af því að hún er litla systir Siggu Lísu er hún að sjálfsögðu beint fyrir neðan hana.

Íííhhhaaaa....Við erum að fara hingað næsta laugardag og ætlum að vera í viku. Loksins tókst okkur að finna bústað og það á virkilega góðu verði.

Við, hófum daginn snemma og hjóluðum í Remiseparken í frábæru veðri og skemmtum okkur vel og dýrunum. Helgi Magnús er alltaf að verða færari í dýrahljóðum en þorir ekki alveg að gefa geitunum spagettí. Mikið er gaman að fara með honum í parkinn, hann nýtur sín svo vel hlaupandi um allt í víðáttubrjálæði.

Þegar ég sat og spjallaði við Smára á bekk í parkinum, ákvað ég að láta ekki einhverja fitukomplexa eyðileggja fyrir mér sumarið. Það hefur nefninlega oft gerst áður og er alveg fáránlegt í raun og veru. Það er nefninlega enginn að spá í þessarri aukafitu minni nema ég. Þetta er allt í hausnum á mér. Meira að segja þegar ég sé gamlar myndir af mér þar sem ég er ekkert feit man ég eftir að hafa haft þessa komplexa. Ég ætla bara að flaxa mínum appelsínuhúðuðu og æðahnútaskreyttum leggjum eins og ekkert sé...amk þegar ég er innan um ókunnuga...hahaha, ókei komplexinn ekki alveg farinn. En þó eitthvað í áttina.

Svo fór ég að pæla...ég held að hvert einasta sumar hafi ég verið í voðalegum vandræðum með sjálfa mig af því að ég var ekki eins grönn og ég var búin að plana einhverntíma um veturinn. Sama sagan endalaust að endurtaka sig...alveg fáránlegt líka.Heilbrigður lífstíll, það er málið. Að kunna sér hóf er líka málið. En ætli stærsta málið sé ekki hugarfarsbreyting. Þar kemur kannski skýringin á því hversvegna þetta er svona erfitt. Gott dæmi; þegar heim var komið úr parkinum raðaði ég í mig núðlusúpu, fór svo í barnaafmæli seinni partinn og gúffaði þar í mig pulsum, bjór og marengstertu.

Efnileg Regína, EFNILEG! 

Jæja nú erum við hjúin á fullu að leita að sumarhúsi/hytte fyrir viðráðanlegan pening á dýrasta tímabilinu og með ógeðslega stuttum fyrirvara. Það er ekki að ganga mjög hratt en mest vegna þess að við vorum svo lengi að ákveða hvað við vildum og þurftum að spekúlera svolítið í péningamálum. En mikið skelfingar ósköp er mikið af sumarhúsum og tjaldsvæðum í Danmörku...þetta er gjörsamlega endalaust og út um allar sveitir og eyjar. En stefnan er semsé að bruna eitthvað burt frá Kaupmannahöfn, skiptir ekki öllu hvert, bara að eitthvað skemmtilegt sé hægt að gera á svæðinu.

Æ ég er alveg að gefast upp á þessum aukakílóum. Ég er að spá í að fara á Herbalife. Ég veit það ekki, er það kannski algjört rugl? Bara ein af þessum töfralausnum sem er síðan bara engin lausn? Ég nenni ekki að spá í mat og uppskriftir og allt þetta. Ég held að mér myndi bara henta ágætlega að drekka einhvern drykk og kílóin fjúka burt. En hvað svo þegar óskaþyngdinni er náð? Fer ekki bara allt í sama horfið? Er ég þá orðin háð Herbalife það sem eftir er æfinnar? Ég veit að það er spurning um lífsstíl að halda sér í kjörþyngd en það hefur bara ekki gengið hjá mér hingað til. OHH ég er að fríka út á þessu!!! 

Hæ, ég heiti Helgi Magnús og ég EEELSKA spagettí! 

úff það er svo heitt að ég er bara farin að óska mér að skipta í einn dag við Ísland í veðri. Ahhh ferskt loft og rigning. Og svo aftur sól og brjálaður hiti...ókei...reddessu

Maður er náttla ekki alveg að fúnkera í þessari mollu, gleymska og kæruleysi í gangi...íslenskt reggí í Kristjaníu í gær og hver veit hvað kvöldið í kvöld ber í skauti sér. Nú er hægt að gera það sem manni sýnist þegar engir gestir eru lengur...jibbíkóla. Nei nei segi svona, það er alltaf gaman að fá gesti, en líka ágætt þegar þeir eru farnir.